സമാധാന പ്രതിഷേധങ്ങള് ജനാധിപത്യത്തെ ശക്തിപ്പെടുത്തുമെന്ന് മുന് രാഷ്ട്രപതി
ന്യൂഡല്ഹി: സമാധാന പ്രതിഷേധങ്ങള് ജനാധിപത്യത്തെ ശക്തിപ്പെടുത്തുമെന്ന് മുന് രാഷ്ട്രപതി പ്രണബ് മുഖര്ജി. ഡല്ഹിയില് ആദ്യ മുഖ്യ തിരഞ്ഞെടുപ്പു കമ്മിഷണര് സുകുമാര് സെന് അനുസ്മരണ ചടങ്ങില് പ്രഭാഷണം നടത്തുകയായിരുന്നു പ്രണബ്.
വിയോജിപ്പുകളില് കൂടി ജനാധിപത്യം അഭിവൃദ്ധിപ്പെടുമെന്ന് പറഞ്ഞ പ്രണബ് മുഖര്ജി അമിത ആത്മവിശ്വാസം സ്വേച്ഛാധിപത്യ പ്രവണതകളെ ശക്തിപ്പെടുത്തുമെന്നും ചൂണ്ടിക്കാട്ടി. പൗരത്വ നിയമത്തേയോ പൗരത്വ രജിസ്റ്ററിനേയോ നേരിട്ട് പരാമര്ശിച്ചില്ലെങ്കിലും യുവാക്കള് ഭരണഘടനയില് വിശ്വാസമര്പ്പിക്കുന്നത് കാണുന്നത് ഉത്സാഹമുണ്ടാക്കുന്നതായും മുന് രാഷ്ട്രപതി പറഞ്ഞു.
സമവായം ജനാധിപത്യത്തിന്റെ ജീവരക്തമാണ്. അവധാനപൂര്വം ശ്രദ്ധിക്കുന്നതിലൂടെ ചര്ച്ചചെയ്യുന്നതിലൂടെ വാദിക്കുന്നതിലൂടെ മാത്രമല്ല വിയോജിപ്പുകളില് കൂടി ജനാധിപത്യം അഭിവൃദ്ധിപ്പെടും. അമിത ആത്മവിശ്വാസം സ്വേച്ഛാധിപത്യ പ്രവണതകളെ ശക്തിപ്പെടുത്തുമെന്നും അദ്ദേഹം ചൂണ്ടിക്കാട്ടി. പൗരത്വ നിയമത്തേയോ പൗരത്വ രജിസ്റ്ററിനേയോ നേരിട്ട് പരാമര്ശിച്ചില്ലെങ്കിലും യുവാക്കള് ഭരണഘടനയില് വിശ്വാസമര്പ്പിക്കുന്നത് കാണുന്നത് ഉത്സാഹമുണ്ടാക്കുന്നതായും മുന് രാഷ്ട്രപതി പറഞ്ഞു. ഇന്ത്യന് ജനാധിപത്യം വീണ്ടും വീണ്ടും പരീക്ഷിക്കപ്പെടുകയാണെന്നും അദ്ദേഹം കൂട്ടിച്ചേര്ത്തു.