സി.സി. തമ്ബിയെ ഇഡി കസ്റ്റഡിയില് വിട്ടു, കേസ് 24ന് പരിഗണിക്കും
ന്യൂഡല്ഹി: വിദേശ നാണ്യ വിനിമയ ചട്ടം ലംഘനത്തിന് പിടിയിലായ മലയാളി വ്യവസായി സി.സി. തമ്ബിയെ മൂന്ന് ദിവസം കൂടി എന്ഫോഴ്സ്മെന്റ് കസ്റ്റഡിയില് വിട്ടു. വെളളിയാഴ്ച്ച അറസ്റ്റിലായ തമ്ബി കഴിഞ്ഞ മൂന്ന് ദിവസം ഇഡി കസ്റ്റഡിയിലായിരുന്നു. കസ്റ്റഡി കാലാവധി ഇന്ന് തീരുന്നതിനാലാണ് വീണ്ടും കോടതിയില് ഹാജരാക്കിയത്.
കേസ് ഈ മാസം 24ന് വീണ്ടും പരിഗണിക്കുമെന്ന് കോടതി വ്യക്തമാക്കി. അതേസമയം അഭിഭാഷകനെ കാണാന് അവസരം നല്കണമെന്ന തമ്ബിയുടെ ആവശ്യം കോടതി അംഗീകരിച്ചു. തമ്ബിയെ അഞ്ച് ദിവസം ചോദ്യം ചെയ്യലിനായി വിട്ടുകിട്ടണമെന്നാണ് എന്ഫോഴ്സ്മെന്റ് ആവശ്യപ്പെട്ടത്.