യുക്രെയിന് വിമാനം തകര്ന്നത് ഇറാന് ആക്രമണത്തിലെന്ന് യു.എസ്. മാധ്യമങ്ങള്
വാഷിംഗ്ടണ്: തകര്ന്നു വീണ യുക്രെയിന് വിമാനം ഇറാന് അബദ്ധത്തില് ആക്രമിച്ചതാണെന്ന് അമേരിക്കന് മാധ്യമങ്ങള്. ബുധനാഴ്ച 176 പേരുമായി തകര്ന്നു വീണ ബോയിംഗ് വിമാനം രണ്ട് മിസൈലുകള് ഉപയോഗിച്ചാണ് തകര്ത്തതെന്നാണ് റിപ്പോര്ട്ട്.
അമേരിക്കന് ഉപഗ്രഹം രണ്ട് മിസൈലുകള് പതിക്കുന്ന ശബ്ദം പിടിച്ചെടുത്തു. ഇതിനു പിന്നാലെ ഉഗ്രശബ്ദത്തോടെ സ്ഫോടനവും സംഭവിച്ചതായി പറയുന്നു. റഷ്യന് നിര്മിത ടോര് മിസൈലാണ് ഇതിന് ഉപയോഗിച്ചതെന്നും മാധ്യമങ്ങള് റിപ്പോര്ട്ട് ചെയ്തു. ഈ റിപ്പോര്ട്ടിനെ ഇറാന് പൂര്ണമായും തള്ളിക്കളഞ്ഞു. എന്നാല് യുക്രൈന് മിസൈല് ആക്രമണമാണോ സംഭവിച്ചതെന്ന് പരിശോധിക്കുമെന്ന് അറിയിച്ചു.
ടെഹ്റാനിലെ ഇമാം ഖമേനി അന്താരാഷ്ട്ര വിമാനത്താവളത്തില്നിന്ന് പറന്നുയര്ന്ന് മിനിറ്റുകള്ക്കകമാണ് യുക്രൈന് ഇന്റര്നാഷണല് എയര്ലൈന്സിന്റെ ബോയിങ് 737-800 വിമാനം തകര്ന്നുവീണത്. പറന്നുയര്ന്നയുടന് വിമാനത്തിന് സാങ്കേതികത്തകരാര് ഉണ്ടായെന്നാണ് ഇറാന് പ്രാഥമികാന്വേഷണത്തില് കണ്ടെത്തിയത്. തുടര്ന്ന് തീപിടിച്ച് വീഴുകയായിരുന്നു.