ഇറാക്ക്, ഇറാന്, ഗള്ഫ് രാജ്യങ്ങളിലെ വ്യോമപാത ഉപയോഗിക്കുന്നത് വിലക്കി യുഎസ്
വാഷിംഗ്ടണ്: ഇറാക്കിലെ അമേരിക്കന് നിയന്ത്രണത്തിലുള്ള വ്യോമതാവളങ്ങള്ക്കു നേരെ ഇറാന് ആക്രമണം നടത്തിയതിനു പിന്നാലെ വിമാന സര്വീസുകള്ക്ക് നിയന്ത്രണം ഏര്പ്പെടുത്തി അമേരിക്ക. ഇറാക്ക്, ഇറാന്, ഗള്ഫ് രാജ്യങ്ങളിലെ വ്യോമപാത ഉപയോഗിക്കുന്നതിന് വിമാനക്കന്പനികള്ക്ക് അമേരിക്കന് വ്യോമയാന അഥോറിറ്റി വിലക്ക് ഏര്പ്പെടുത്തി.
ഇറാക്ക് വ്യോമപാത ഉപയോഗിക്കരുതെന്ന് സിംഗപ്പൂര് എയര്ലൈന്സിനു സിംഗപ്പൂര് വ്യോമയാന അഥോറിറ്റിയും നിര്ദേശം നല്കിയിട്ടുണ്ട്. സ്ഥിതിഗതികള് നിരീക്ഷിച്ചുവരികയാണെന്നും അധികൃതര് അറിയിച്ചു. ഇറാന്, ഇറാഖ് വ്യോമപാതകള് ഒഴിവാക്കണമെന്നും ഇന്ത്യന് വിമാനക്കന്പനികള്ക്കും വിദേശകാര്യമന്ത്രാലയം നിര്ദേശം നല്കി.
ജനറല് ഖാസിം സുലൈമാനിയുടെ വധത്തിന് പിന്നാലെയാണ് ഇറാഖിലെ സൈനിക കേന്ദ്രങ്ങളിലെ ഇറാന് ആക്രമണം നടത്തിയത്. പന്ത്രണ്ടോളം ബാലിസ്റ്റിക് മിസൈലുകള് പതിച്ചതായി അമേരിക്കന് പ്രതിരോധമന്ത്രാലയം സ്ഥിരീകരിച്ചിരുന്നു.