മലയാളിഗായിക അടുക്കളയില് മരിച്ചനിലയില്; മരണത്തില് ദുരൂഹത
തിരുവനന്തപുരം: മലയാളത്തിലെ പ്രസിദ്ധ ഗായികയെ വീട്ടിലെ അടുക്കളയില് മരിച്ചനിലയില് കണ്ടെത്തി . മരണത്തില് ദുരൂഹത. ഗായികയും അവതാരകയുമായ ജീഗി ജോണിനെയാണ് ദുരൂഹ സാഹചര്യത്തില് മരിച്ച നിലയില് കണ്ടെത്തിയത്. വീട്ടിലെ അടുക്കളയിലാണ് മരിച്ച നിലയില് ഇവരെ കണ്ടെത്തിയത്. പൊലീസ് സ്ഥലത്തെത്തി അന്വേഷണം ആരംഭിച്ചു.
തിരുവനന്തപുരം കുറവന്കോണത്തെ വീട്ടിലെ അടുക്കളയിലാണ് ഗായികയെ മരിച്ച നിലയില് കണ്ടെത്തിയത്. ഫൊറന്സിക് സംഘമെത്തി പരിശോധന ആരംഭിച്ചിട്ടുണ്ട്. ചുറ്റുപാടുളളവരുമായി ഇവര് കാര്യമായ ബന്ധം പുലര്ത്തിയിരുന്നില്ലെന്നാണ് പൊലീസിന്റെ പ്രാഥമിക നിഗമനം. മരണം സംബന്ധിച്ച് കൂടുതല് വ്യക്തത വരേണ്ടതുണ്ട്. നാളത്തെ പോസ്റ്റ്മോര്ട്ടത്തിന് ശേഷം മാത്രമേ ഇതുസംബന്ധിച്ച് കൂടുതല് കാര്യങ്ങള് പറയാന് കഴിയുകയുളളുവെന്നാണ് പൊലീസ് പറയുന്നത്.
45 വയസ്സ് പ്രായം തോന്നിക്കുന്ന ഇവരുടെ അമ്മ ശാരീരിക അസ്വസ്ഥതകള് നേരിടുന്നതായി പൊലീസ് പറയുന്നു. അമ്മ പുറത്തുപോയിരുന്ന സമയത്താണ് മരണമെന്നാണ് പൊലീസിന്റെ പ്രാഥമിക നിഗമനം.