നിബന്ധനകളോടെ കോണ്‍ഗ്രസുമായുള്ള സഖ്യത്തിന് തയ്യാര്‍: കമലഹാസന്‍
ചെന്നൈ: നിബന്ധനകളോട് കോണ്‍ഗ്രസുമായുള്ള സഖ്യത്തിന് തയ്യാറാണെന്ന് നടനും മക്കള്‍ നീതി മയ്യം അധ്യക്ഷനുമായ കമലഹാസന്‍. ഡിഎംകെയുമായുള്ള എല്ലാ ബന്ധങ്ങളും ഉപേക്ഷിക്കണമെന്നും സഖ്യം അവസാനിപ്പിക്കണമെന്നുമുള്ളതാണ് നിബന്ധ. നിബന്ധനയ്ക്ക് കോണ്‍ഗ്രസ് തയ്യാറെങ്കില്‍ 2019 ലോക്‌സഭ തെരഞ്ഞെടുപ്പില്‍ കോണ്‍ഗ്രസുമായി ചേര്‍ന്ന് മത്സരിക്കുമെന്ന് കമലഹാസന്‍ അറിയിച്ചു.
അഴിമതി നിറഞ്ഞ പാര്‍ട്ടികളാണ് ഡിഎംകെയും എഡിഎംകെയും. തമിഴ്‌നാട്ടില്‍ നിന്ന് ഈ രണ്ട് പാര്‍ട്ടികളെയും തുരത്താനുള്ള കഠിന പ്രയ്തനം നടത്തുമെന്നും ഈ സഖ്യം കൊണ്ട് തമിഴ്‌നാട്ടിലെ ജനങ്ങള്‍ക്ക് ഗുണമുണ്ടാകണമെന്ന കാര്യം മാത്രമേ കോണ്‍ഗ്രസിനോട് പറയാനുള്ളൂ. അഴിമതി അവസാനിപ്പിക്കുക എന്ന ലക്ഷ്യമാണ് മക്കള്‍ നീതി മയ്യത്തിനുള്ളത്. അഴിമതിയില്‍ മുങ്ങുന്ന പാര്‍ട്ടികളോട് യോജിക്കാന്‍ ഒരുതരത്തിലും സാധിക്കില്ല- കമലഹാസര്‍ കൂട്ടിച്ചേര്‍ത്തു.