ഹൈദരാബാദിനെ ആസിഫ് എറിഞ്ഞിട്ടു; കേരളത്തിന് ആദ്യ ജയം
അലുര് (ആന്ധ്ര): വിജയ് ഹസാരെ ട്രോഫി ക്രിക്കറ്റില് കേരളത്തിന് ആദ്യ ജയം. പേസ് ബൗളര് കെ.എം. ആസിഫിന്റെ കരുത്തില് കേരളം ഹൈദരാബാദിനെ 62 റണ്സിന് തോല്പ്പിച്ചു. 228 റണ്സ് വിജയലക്ഷ്യവുമായി ഇറങ്ങിയ ഹൈദരാബാദ് 44.4 ഓവറില് 165 റണ്സിന് എല്ലാവരും പുറത്തായി. 10 ഓവറില് 34 റണ്സ് വഴങ്ങി നാല് വിക്കറ്റെടുത്ത ആസിഫാണ് ഹൈദരാബാദിനെ തകര്ത്തത്.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ കേരളത്തിന്റെ ടോപ് സ്കോറര് 44 പന്തില് 36 റണ്സെടുത്ത സഞ്ജു വി. സാംസണ് ആയിരുന്നു. നാലാം നന്പറായാണ് സഞ്ജു ക്രീസിലെത്തിയത്. മൂന്നാമനായെത്തിയ ക്യാപ്റ്റന് റോബിന് ഉത്തപ്പ 49 പന്തില് 33 റണ്സ് നേടി. സച്ചിന് ബേബി (53 പന്തില് 32 റണ്സ്), പി. രാഹുല് (63 പന്തില് 35 റണ്സ്) എന്നിവരും ഭേദപ്പെട്ട ബാറ്റിംഗ് കാഴ്ചവച്ചു. സ്കോര്ബോര്ഡ് തുറക്കും മുന്പ് വിനൂപ് മോഹനെ (പൂജ്യം) നഷ്ടപ്പെട്ടശേഷമായിരുന്നു കേരളത്തിന്റെ മടങ്ങി വരവ്.
228 റണ്സ് വിജയ ലക്ഷ്യവുമായി ക്രീസിലെത്തിയ ഹൈദരാബാദിന് ആദ്യ നാല് വിക്കറ്റുകള് സ്കോര് ബോര്ഡില് 12 റണ്സുള്ളപ്പോള് നഷ്ടമായി. നാല് വിക്കറ്റും വീഴ്ത്തിയത് ആസിഫായിരുന്നു. ക്യാപ്റ്റന് അന്പാട്ടി റായുഡു, ബവങ്ക സന്ദീപ്, ഓപ്പണര് അക്ഷന്ത് റെഡ്ഡി എന്നിവരെ പൂജ്യത്തിനാണ് ആസിഫ് മടക്കിയത്. തിലക് വര്മ (ഒരു റണ്) ആയിരുന്നു ആസിഫിന്റെ മറ്റൊരു ഇര.
5.6 ഓവറില് നാലിന് 12 എന്ന നിലയിലായ ഹൈദരാബാദ് പിന്നീട് കരകയറിയില്ല. ആറു ബാറ്റ്സ്മാന്മാരാണ് രണ്ടക്കം കാണാതെ പുറത്തായത്. ഓപ്പണര് ത·യ് അഗര്വാള് (69 റണ്സ്) മാത്രമാണ് ഹൈദരാബാദ് ഇന്നിംഗ്സില് പിടിച്ചുനിന്നത്.