കൊടുംചൂട്: കേരളാ എക്സ്പ്രസില് നാലു യാത്രക്കാര് മരിച്ചു
ഝാൻസി : ഉത്തര്പ്രദേശിലെ ഝാന്സിയില് കേരള എക്സ്പ്രസില് കനത്ത ചൂടിനെത്തുടര്ന്ന് കോയമ്പത്തൂര് സ്വദേശികളായ നാലുയാത്രക്കാര് മരിച്ചു. ഒരാളെ അതീവഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു. ആഗ്രയില് നിന്ന് കോയമ്പത്തൂരിലേക്ക് സ്ലീപ്പര് കോച്ചില് യാത്രചെയ്തവരാണ് അപകടത്തില്പ്പെട്ടത്. ചൊവ്വാഴ്ച ഝാന്സിയില് 48.1 ഡിഗ്രി ചൂടാണു രേഖപ്പെടുത്തിയത്.
മൃതദേഹങ്ങള് പോസ്റ്റ്മോര്ട്ടത്തിനായി ആശുപത്രിയിലേക്ക് മാറ്റി. പോസ്റ്റുമോര്ട്ടത്തിന് ശേഷം മൃതദേഹങ്ങള് കോയമ്പത്തൂരിലുള്ള ബന്ധുക്കള്ക്ക് വിട്ടുനല്കുമെന്ന് റയില്വേ അധികൃതര് അറിയിച്ചു. വാരണാസിയും ആഗ്രയും സന്ദർശിച്ച് മടങ്ങിയ 68 അംഗ സംഘത്തിൽ ഉൾപ്പെട്ടവരാണ് മരിച്ചത്.