ജെസ്നയുടെ തിരോധാനം: കേസ് സിബിഐ അന്വേഷിക്കും
കൊച്ചി: ജെസ്ന മരിയ ജെയിംസ് തിരോധാന കേസ് സിബിഐ അന്വേഷിക്കും. അന്വേഷണം ഏറ്റെടുക്കാമെന്ന് സിബിഐ കോടതിയെ അറിയിച്ചു. കേസ് ഡയറിയും മറ്റു ഫയലുകളും സിബിഐക്ക് കൈമാറാന് കോടതി ക്രൈംബ്രാഞ്ചിന് നിര്ദേശം നല്കി. സിബിഐ തിരുവനന്തപുരം യുണിറ്റിനാണ് രേഖകള് കൈമാറേണ്ടത്.
ജെസ്നയുടെ തിരോധാനത്തിന് പിന്നില് ഗൗരവകരമായ എന്തോ വിഷയം ഉണ്ടെന്നും അന്തര് സംസ്ഥാന ഇടപെടല് ഉണ്ടെന്നും സിബിഐ വ്യക്തമാക്കി. സിബിഐയില് ആവശ്യത്തിന് ഉദ്യോഗസ്ഥരില്ലെന്നും യാത്രാ സൗകര്യം അടക്കം ആവശ്യത്തിനുള്ള സൗകര്യങ്ങള് നല്കാന് സംസ്ഥാന സര്ക്കാര് തയ്യാറാവണമെന്നും സിബിഐ ആവശ്യപ്പെട്ടു. സൗകര്യങ്ങള് നല്കാന് സര്ക്കാരിനോട് കോടതി നിര്ദേശിച്ചു.
പൊലീസ് അന്വേഷണം തൃപ്തികരമല്ലെന്നും സിബിഐ അന്വേഷിക്കണമെന്നും ആവശ്യപ്പെട്ട് ജെസ്നയുടെ സഹോദരന് ജയ്സ് ജയിംസും
കെഎസ്യു സംസ്ഥാന പ്രസിഡന്റ് കെ.എം.അഭിജിതും സമര്പ്പിച്ച ഹര്ജിയില് കക്ഷി ചേരാന് അനുമതി തേടി കൊച്ചിയിലെ ക്രിസ്ത്യന് അലയന്സ് ആന്ഡ് സോഷ്യല് ആക്ഷന് സമര്പ്പിച്ച ഹര്ജിയാണ് കോടതി പരിഗണിച്ചത്.