സംസ്ഥാനത്ത് 2000 കേന്ദ്രങ്ങളില് ഇനി മുതല് സൗജന്യ വൈഫൈ
തിരുവനന്തപുരം: സംസ്ഥാനത്ത് 2000 കേന്ദ്രങ്ങളില് ഇനിമുതല് സൗജന്യവൈഫൈ. എല്ലാ ജില്ലകളിലേയും തെരഞ്ഞെടുക്കപ്പെട്ട പൊതു ഇടങ്ങളിലാണ് വൈഫൈ ലഭ്യമാക്കുകയെന്ന് മുഖ്യമന്ത്രി പിണറായി വിജയന് ഫേസ്ബുക്ക് കുറിപ്പില് വ്യക്തമാക്കി.
ബസ് സ്റ്റാൻഡുകൾ, ജില്ലാ ഭരണകേന്ദ്രങ്ങൾ, പഞ്ചായത്തുകൾ, പാർക്കുകൾ, പ്രധാന സർക്കാർ ഓഫീസുകൾ, സർക്കാർ ആശുപത്രികൾ എന്നിവിടങ്ങളില് വൈഫൈ ലഭ്യമാക്കും. പൊതു ജനങ്ങൾക്ക് അവരുടെ മൊബൈലിലും ലാപ്ടോപ്പിലും സൗജന്യമായി ദിവസേന ഒരു ജിബി വരെ വൈഫൈ ഉപയോഗിക്കാനാകും. ഇതിനായി 1887 സൗജന്യ വൈഫൈ കേന്ദ്രങ്ങള് പൂര്ണ്ണസജ്ജമായിട്ടുണ്ട്. മറ്റുള്ളവ അന്തിമഘട്ടത്തിലാണെന്നും മുഖ്യമന്ത്രി ഫേസ്ബുക്ക് കുറിപ്പില് വ്യക്തമാക്കി.