നാലുവയസ്സുകാരിക്ക് പീഡനം:മൂന്ന് പേർ കൂടി അറസ്റ്റിൽ
പാലക്കാട് : നാല് വയസുകാരിയെ പീഡിപ്പിച്ചു കൊലപ്പെടുത്തിയ കേസിൽ മൂന്നു പേർ കൂടി അറസ്റ്റിൽ. ഭിക്ഷാടന സംഘത്തിലെ മൂന്ന് പേരെയാണ് ആലുവയിൽ നിന്ന് പിടികൂടിയത്. കേസിലെ മുഴുവൻ പേരെയും അറസ്റ്റ് ചെയ്തെങ്കിലും കൊല്ലപ്പെട്ട പെൺകുട്ടിയെ ഇതുവരെ തിരിച്ചറിഞ്ഞിട്ടില്ലചെന്നൈ കിഴക്ക് താമ്പരം സ്വദേശി പടയപ്പ എന്ന സത്യ, തിരുപ്പൂർ കാദർ പേട്ട സ്വദേശിനി സുലൈഹ എന്ന ഖദീജാബീവി, ഈറോഡ് ഗോപിച്ചെട്ടിപ്പാളയം സ്വദേശിനി ഫാത്തിമ എന്ന കവിത എന്നിവരാണ് ആലുവയിൽ നിന്ന് പിടിയിലായത്. ഇതോടെ ഈ കേസ്സിൽ അറസ്റ്റിലായവരുടെ എണ്ണം അഞ്ചായി.