വ്യാജ സ്വര്ണ്ണം പണയം വെച്ച് പണം തട്ടുന്ന സംഘത്തിലെ 4 പേര് പിടിയില്
ഇടുക്കി: വ്യാജ സ്വര്ണ്ണം പണയം വെച്ച് പണം തട്ടുന്ന സംഘത്തിലെ 4 പേരാണ് നെടുങ്കണ്ടത്ത് പിടിയിലായത്. അന്തര് സംസ്ഥാന സംഘത്തിലെ കണ്ണികളാണ് പിടിലായതെന്നാണ് വ്യക്തമാകുന്നത്. നെടുങ്കണ്ടം മേഖലയില് ഒരു ദിവസം തന്നെ സംഘം രണ്ട ലക്ഷത്തോളം രൂപ ഇത്തരത്തില് വ്യാജ സ്വര്ണം പണയം വെച്ച് തട്ടിയെടുത്തിരുന്നു. 916 മുദ്രയോട് കൂടിയ കോയമ്പത്തൂര് ഗോള്ഡ് എന്നറിയപ്പെടുന്ന വ്യാജ വളകളാണ് ഇവര് പണയം വച്ചത്. പെട്ടന്ന് തിരിച്ചറിയാനാകില്ല ഇത്തരം വ്യാജ സ്വര്ണം.
തൂക്കുപാലം ചേന്നന്കുളം സി.വി സിജു, പുഷ്പകണ്ടം മേലേടത്ത് ഇല്യാസ്, കൊല്ലം കട്ടല് പാറവിളയില് റെജീവ്, പാറയില് ഷെമിം എന്നിവരാണ് അറസ്റ്റിലായത്. ഗ്രാമീണ മേഖല കേന്ദ്രീകരിച്ച് സംസ്ഥാന വ്യാപകമായി തട്ടിപ്പ് നടന്നിരിക്കാന് സാധ്യതയുണ്ടെന്നാണ് പൊലീസ് കരുതുന്നത്.