ശബരിമലയിലെ വരുമാനത്തിൽ വൻ കുറവ്

പമ്പ: ശബരിമലയിലെ വരുമാനത്തിൽ വൻ കുറവ്. മകരവിളക്കിനായി നട തുറന്ന് ആറു ദിവസം കഴിയുന്പോൾ 9 കോടിയുടെ കുറവാണ് കഴിഞ്ഞ വർഷത്തെ അപേക്ഷിച്ച് ഉണ്ടായത്. അപ്പം ,അരവണ വിൽപനയും കാര്യമായി ഇടിഞ്ഞു.  കഴിഞ്ഞ വർഷത്തെ മകരവിളക്ക് തീർഥാടനം ആറുദിനം കഴിഞ്ഞപ്പോൾ വരുമാനം 29 കോടി കടന്നിരുന്നു. ഈ വർഷം അത് 20 കോടിയിലൊതുങ്ങി.

അരവണ വിറ്റവകയിൽ കുറവ് 79 ലക്ഷം രൂപ. അപ്പം വിൽപനയിൽ 62 ലക്ഷത്തിന്റെ് കുറവ്. മാളികപുറത്തെ വരുമാനവും മുറിവാടകയിലൂടെ കിട്ടുന്നതും എല്ലാം കുറഞ്ഞു. മകരവിളക്കിന് ഒരാഴ്ച മാത്രം ശേഷിക്കേ ബോർഡിന് മുന്നിൽ നഷ്ടങ്ങളുടെ കണക്കുകളാണ്.