എസ് എന് ഡി പി യോഗം തിരഞ്ഞെടുപ്പിലെ പ്രാതിനിധ്യ വോട്ട് ഹൈക്കോടതി റദ്ദാക്കി
കൊച്ചി: എസ് എന് ഡി പി യോഗം തിരഞ്ഞെടുപ്പിലെ പ്രാതിനിധ്യ വോട്ട് ഹൈക്കോടതി റദ്ദാക്കി. ഇതോടെ മുഴുവന് അംഗങ്ങള്ക്കും വോട്ടവകാശം ലഭിക്കും.
അടുത്ത മാസം അഞ്ചിന് തിരഞ്ഞെടുപ്പ് നടക്കാനിരിക്കെയാണ് കോടതി വിധി.
200 അംഗങ്ങള് ഉള്ള ശാഖകള്ക്ക് ഒരു വോട്ട് എന്നതാണ് എസ് എന് ഡി പി യോഗം തിരഞ്ഞെടുപ്പുകളിലെ ഇപ്പോഴത്തെ രീതി. ഇത്തരത്തില് ഏകദേശം പതിനായിരത്തോളം വോട്ടുകളാണ് ഉണ്ടായിരുന്നത്. ഇതാണ് ഇപ്പോള് ഹൈക്കോടതി റദ്ദാക്കിയിരിക്കുന്നത്. കമ്ബനി നിയമം അനുസരിച്ച് 1974ല് കേന്ദ്ര സര്ക്കാര് നല്കിയിരുന്ന പ്രത്യേക ഇളവും ബൈലോ ഭേദഗതിയും കോടതി റദ്ദാക്കിയിട്ടുണ്ട്.
എസ്എന്ഡിപിയില് ലക്ഷക്കണക്കിന് അംഗങ്ങളുണ്ട്. അവരെ എല്ലാവരേയും വച്ച് തിരഞ്ഞെടുപ്പ് നടത്തുന്നത് പ്രായോഗികമല്ലെന്ന് കണ്ടാകണം ഇത്തരം തിരഞ്ഞെടുപ്പ് രീതി പിന്തുടര്ന്ന് വന്നിരുന്നതെന്ന് യോഗം ജനറല് സെക്രട്ടറി വെള്ളാപ്പള്ളി നടേശന് പറഞ്ഞു. വിധിയെകുറിച്ച് മാദ്ധ്യമങ്ങളില് കണ്ട അറിവുമാത്രമാണ് തനിക്കുള്ളതെന്നും വിധിയുടെ പകര്പ്പ് കിട്ടിയ ശേഷം കൂടുതല് പ്രതികരിക്കാമെന്നും അദ്ദേഹം കൂട്ടിച്ചേര്ത്തു.