രാജ്യത്തിന്റെ പ്രതിരോധസേനയ്ക്ക് വലിയ നഷ്ടം: മുഖ്യമന്ത്രി
തിരുവനന്തപുരം: സംയുക്ത സൈനിക മേധാവി ജനറല് ബിപിന് റാവത്തിന്റെയും പത്നി മധുലിക റാവത്തിന്റെയും 11 സൈനിക ഉദ്യോഗസ്ഥരുടെയും മരണത്തില് മുഖ്യമന്ത്രി പിണറായി വിജയന് അനുശോചനം രേഖപ്പെടുത്തി.
അത്യന്തം വേദനാജനകമാണ് അപകടവാര്ത്ത. രാജ്യത്തിന്റെ പ്രതിരോധ സേനയ്ക്ക് വലിയ നഷ്ടമാണ് ഈ അപകടത്തിലൂടെ സംഭവിച്ചിരിക്കുന്നത്. ജനറല് റാവത്തിന്റെയും ഒപ്പം ജീവന് പൊലിഞ്ഞവരുടെയും കുടുംബാംഗങ്ങളെയും പ്രതിരോധ സേനാംഗങ്ങളെ മുഖ്യമന്ത്രി അനുശോചനം അറിയിച്ചു.