സംസ്ഥാനത്ത് അഞ്ച് പേര്ക്ക് കൂടി സിക്ക വൈറസ്
തിരുവനന്തപുരം: സംസ്ഥാനത്ത് അഞ്ച് പേര്ക്ക് കൂടി സിക്ക വൈറസ് സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു.
ആലപ്പുഴ എന്.ഐ.വി.യില് നടത്തിയ പരിശോധനയിലാണ് ഇവര്ക്ക് സിക്ക വൈറസ് സ്ഥിരീകരിച്ചത്.
ആനയറ സ്വദേശികളായ 2 പേര്ക്കും കുന്നുകുഴി, പട്ടം, കിഴക്കേകോട്ട എന്നിവിടങ്ങളിലെ ഒരാള്ക്ക് വീതവുമാണ് സിക്ക വൈറസ് സ്ഥിരീകരിച്ചത്. രോഗം സ്ഥിരീകരിച്ചവരില് നാല് പേരുടെ സാമ്ബിളുകള് രണ്ട് സ്വകാര്യ ആശുപത്രികളില് നിന്നും അയച്ചതാണ്. ഒരെണ്ണം സര്വയലന്സിന്റെ ഭാഗമായി ആരോഗ്യ വകുപ്പ് ശേഖരിച്ച സാമ്ബിളാണ്.
അതേസമയം 16 പേരുടെ പരിശോധനാഫലം നെഗറ്റീവായി. ഇതോടെ സംസ്ഥാനത്ത് ആകെ 28 പേര്ക്കാണ് സിക്ക വൈറസ് സ്ഥിരീകരിച്ചത്.