സിപിഎമ്മിന്റെ വിശദീകരണം തൃപ്തികരമെന്ന് ജോസ് കെ മാണി
കോട്ടയം: കെ എം മാണി അഴിമതിക്കാരനാണെന്ന് സര്ക്കാര് അഭിഭാഷകന് സുപ്രീംകോടതിയില് നടത്തിയ പരാമര്ശം സംബന്ധിച്ച് എല്ഡിഎഫ് കണ്വീനറും സിപിഎം ആക്ടിംഗ് സെക്രട്ടറിയുമായ എ വിജയരാഘവന്റെ മറുപടി തൃപ്തികരമെന്ന് ജോസ് കെ.മാണി. കേരള കോണ്ഗ്രസ് എം സ്റ്റിയറിങ് കമ്മിറ്റിയോഗത്തിലാണ് ജോസ് കെ മാണി ഇക്കാര്യം വ്യക്തമാക്കിയത്.
സ്റ്റിയറിങ് കമ്മിറ്റി അംഗങ്ങള് ഇക്കാര്യം സംബന്ധിച്ച് ചോദ്യങ്ങള് ഉന്നയിച്ചതായാണ് വിവരം. അഭിഭാഷകന്റെ നാക്കു പിഴയായി ഇതിനെ നിസാരവല്ക്കരിച്ചു കാണാനാകുമോ എന്ന് അംഗങ്ങള് യോഗത്തില് ചോദിച്ചു. എന്നാല് സിപിഎമ്മിന്റെ വിശദീകരണം തൃപ്തികരമാണെന്നും കോണ്ഗ്രസും യുഡിഎഫും മുതലെടുപ്പിന് ശ്രമിക്കുകയാണെന്നും അത് തിരിച്ചറിയണമെന്നും ജോസ് കെ മാണി വ്യക്തമാക്കുകയായിരുന്നു.