കെഎസ്ആര്ടിസി പെട്രോള് പമ്പുകള് തുടങ്ങും: മന്ത്രി ആന്റണി രാജു
തിരുവനന്തപുരം: സംസ്ഥാനത്തുടനീളം പെട്രോള് ഡീസല് പമ്ബുകള് കെഎസ്ആര്ടിസി തുടങ്ങുമെന്ന് ഗതാഗത മന്ത്രി ആന്റണി രാജു. പൊതുജനങ്ങള്ക്ക് ഗുണനിലവാരമുള്ള കലര്പ്പില്ലാത്ത പെട്രോളിയം ഉല്പനങ്ങള് നല്കുന്നതിനും അതുവഴി വരുമാനം വര്ധിപ്പിക്കുന്നതിനുമായിട്ടാണ് പമ്ബുകള് തുടങ്ങുന്നതെന്നും മന്ത്രി പറഞ്ഞു.
ഇന്ത്യന് ഓയില് കോര്പ്പറേഷനുമായി ചേര്ന്ന് 67 പമ്ബുകളാണ് തുടങ്ങാന് ഉദ്ദേശിക്കുന്നത്. കെ എസ് ആര് ടി സി യുടെ നിലവിലുള്ള ഡീസല് പമ്ബുകള്ക്ക് ഒപ്പം പെട്രോള് യൂണിറ്റു കൂടി ചേര്ത്താണ് പമ്ബുകള് തുടങ്ങുന്നത്. ഡീലര് കമ്മീഷനും സ്ഥല വാടകയും ഉള്പ്പടെ ഉയര്ന്ന വരുമാനമാണ് ഇങ്ങനെ പ്രതീക്ഷിക്കുന്നത്. ഇത് കെ എസ് ആര് ടി സി യെ നിലവിലുള്ള പ്രതിസന്ധിയില് നിന്ന് കരകയറാന് സഹായിക്കുമെന്നും മന്ത്രി കൂട്ടിച്ചേര്ത്തു.
നൂറു ദിവസത്തിനകം ഈ പദ്ധതിയിലെ ആദ്യത്തെ എട്ട് പമ്ബുകള് തുടങ്ങും. ഇതിനുള്ള അനുമതി ലഭിച്ചു. ചേര്ത്തല, മാവേലിക്കര, മൂന്നാര്, ഗുരുവായൂര്, തൃശൂര്, ആറ്റിങ്ങല്, നെടുമങ്ങാട്, ചാത്തന്നൂര് എന്നിവിടങ്ങളിലാണ് 100 ദിവസത്തിനുള്ളില് പമ്ബുകള് തുടങ്ങുന്നതെന്നും മന്ത്രി പറഞ്ഞു. മൂവാറ്റുപുഴ, അങ്കമാലി, കണ്ണൂര്, കോഴിക്കോട്, പെരിന്തല്മണ്ണ എന്നിവിടങ്ങളിലും നിലവിലുള്ള ഡീസല് പമ്ബുകളോടൊപ്പം പെട്രോള് പമ്ബുകളും തുടങ്ങും. കെ എസ് ആര് ടി സി ക്ക് ഇതിനായി സാമ്ബത്തിക ബാധ്യത ഇല്ല, മുഴുവന് ചെലവും ഇന്ത്യന് ഓയില് കോര്പ്പറേഷന് ആണ് മുടക്കുന്നതെന്നും മന്ത്രി പറഞ്ഞു.