ബ്ലാക്ക് ഫംഗസിനെ പകര്ച്ചവ്യാധിയായി പ്രഖ്യാപിക്കാന് കേന്ദ്ര നിര്ദേശം
ന്യൂഡല്ഹി: മ്യുക്കര്മൈക്കോസിസ് അഥവാ ബ്ലാക്ക് ഫംഗസിനെ പകര്ച്ചവ്യാധിയായി പ്രഖ്യാപിക്കാന് സംസ്ഥാനങ്ങള്ക്ക് കേന്ദ്രസര്ക്കാര് നിര്ദേശം. ബ്ലാക്ക് ഫംഗസിനെ പകര്ച്ചവ്യാധി രോഗ നിയമത്തിനു കീഴില് ഉള്പ്പെടുത്താന് ആവശ്യപ്പെട്ട് കേന്ദ്ര ആരോഗ്യമന്ത്രാലയം സംസ്ഥാനങ്ങള്ക്ക് കത്തയച്ചു.
എല്ലാ സര്ക്കാര്സ്വകാര്യ ആരോഗ്യ കേന്ദ്രങ്ങളും മെഡിക്കല് കോളേജുകളും മ്യൂക്കര്മൈക്കോസിസിന്റെ പരിശോധനയും മറ്റുമായി ബന്ധപ്പെട്ട മാര്ഗനിര്ദേശങ്ങള് പാലിക്കണമെന്നും ആരോഗ്യ മന്ത്രാലയം ജോയിന്റ് സെക്രട്ടറി ലവ് അഗര്വാള് അയച്ച കത്തില് നിര്ദേശിക്കുന്നുണ്ട്.
ഇതനുസരിച്ച് ബ്ലാക്ക് ഫംഗസ് എന്ന് സ്ഥിരീകരിച്ചതും സംശയിക്കുന്നതുമായ എല്ലാ കേസുകളും ആരോഗ്യമന്ത്രാലയത്തിലേക്ക് റിപ്പോര്ട്ട് ചെയ്യേണ്ടി വരും. രാജസ്ഥാന്, തെലങ്കാന സംസ്ഥാനങ്ങള് ഇതിനോടകം ബ്ലാക്ക് ഫംഗസിനെ പകര്ച്ചവ്യാധിയായി പ്രഖ്യാപിച്ച് കഴിഞ്ഞിട്ടുണ്ട്.