നടന് ദേവന് ബിജെപിയില് ചേര്ന്നു
തിരുവനന്തപുരം: സിനിമ നടന് ദേവന് ബിജെപിയില് ചേര്ന്നു. ബിജെപി സംസ്ഥാന അധ്യക്ഷന് കെ.സുരേന്ദ്രന് നയിച്ച വിജയ് യാത്രയുടെ സമാപനവേദിയില് കേന്ദ്ര അഭ്യന്തര മന്ത്രി അമിത് ഷായുടെ സാന്നിധ്യത്തിലാണ് ദേവന് ബിജെപിയില് ചേര്ന്നത്. കേരള പീപ്പിള്സ് എന്ന സ്വന്തം പാര്ട്ടിയെ ബിജെപിയില് ലയിപ്പിച്ചാണ് ദേവന് സംഘടനയിലേക്ക് വരുന്നത്.
പതിനേഴു വര്ഷം ഒരു കുഞ്ഞിനെ പോറ്റുന്നത് പോലെ വളര്ത്തി കൊണ്ടു വന്ന കേരള പീപ്പിള്സ് പാര്ട്ടിയെയാണ് ബിജെപിയിലേക്ക് ലയിപ്പിക്കുന്നതെന്ന് ദേവന് പറഞ്ഞു. സിനിമയില് വന്ന ശേഷം രാഷ്ട്രീയത്തില് വന്ന ആളല്ല താന്. കോളേജ് കാലം തൊട്ടേ താന് കെഎസ്യു പ്രവര്ത്തകന് ആയിരുന്നുവെന്നും ദേവന് പ്രതികരിച്ചു.