കേരളം അഴിമതിയുടെയും രാഷ്ട്രീയ കൊലപാതകങ്ങളുടെയും കുത്തകയായി മാറി: അമിത് ഷാ
തിരുവനന്തപുരം: അഴിമതിയുടെയും രാഷ്ട്രീയ കൊലപാതകങ്ങളുടെയും കുത്തകയായി കേരളം മാറിയെന്ന് കേന്ദ്ര ആഭ്യന്തര മന്ത്രി അമിത് ഷാ. മുഖ്യമന്ത്രി പിണറായി വിജയന് താന് ഉന്നയിക്കുന്ന നിര്ണായക ചോദ്യങ്ങള്ക്ക് പൊതുവേദിയില് മറുപടി പറയാന് തയാറാകണമെന്ന് അമിത് ഷാ പറഞ്ഞു.
കേന്ദ്ര ഏജന്സികളെ രാഷ്ട്രീയ ലക്ഷ്യത്തിനുവേണ്ടി ഉപയോഗിക്കുന്നെന്ന ആരോപണത്തിനല്ല മറുപടിയായിട്ടാണ് അദ്ദേഹം ഇങ്ങനെ പറഞ്ഞത്. മുഖ്യമന്ത്രിയുടെ ഓഫീസില് അല്ലേ ഡോളര് കടത്ത്-സ്വര്ണക്കടത്ത് കേസുകളിലെ പ്രധാനപ്രതി ജോലി ചെയ്തിരുന്നതെന്ന് താന് അദ്ദേഹത്തോട് ചോദിക്കാന് ആഗ്രഹിക്കുകയാണെന്നും കേന്ദ്ര മന്ത്രി പറഞ്ഞു.
വിജയയാത്രയുടെ സമാപന സമ്മേളനത്തിലായിരുന്നു അമിത് ഷാ മുഖ്യമന്ത്രിക്കെതിരെ രൂക്ഷ വിമര്ശനം നടത്തിയത്. മുഖ്യമന്ത്രിയുടെ വിദേശ യാത്രകളില് പ്രതിയായ സ്ത്രീ ഒപ്പം ഉണ്ടായിരുന്നില്ലേ? ഈ സ്ത്രീ മുഖ്യമന്ത്രിയുടെ ഔദ്യോഗിക വസതിയില് നിത്യസന്ദര്ശകയല്ലേ?,എന്നും അമിത് ഷാ ചോദിച്ചു. പ്രതിമാസം മൂന്നുലക്ഷം രൂപ ശമ്ബളമായി നിങ്ങളുടെ സര്ക്കാര് നല്കിയിരുന്നോ ഇല്ലയോ എന്ന് ജനങ്ങളോട് പറയാന് തയാറാകണമെന്നും അമിത് ഷാ പറഞ്ഞു. കേരളത്തില് യുഡിഎഫും, എല്ഡിഎഫും അഴിമതി നടത്താന് തമ്മില് മത്സരിക്കുകയാണെന്നും കേന്ദ്രമന്ത്രി പറഞ്ഞു.