ട്രഷറി നിക്ഷേപങ്ങളുടെ പലിശ നിരക്കുകള് കുറച്ചു
തിരുവനന്തപുരം: സംസ്ഥാന സര്ക്കാര് ട്രഷറി നിക്ഷേപങ്ങളുടെ പലിശ നിരക്കുകള് കുറച്ചിരിക്കുന്നു. സ്ഥിര നിക്ഷേപത്തിനും ചെറിയ കാലത്തേക്കുള്ള നിക്ഷേപങ്ങള്ക്കുമാണ് പലിശ നിരക്ക് കുറച്ചിരിക്കുന്നത് ഇപ്പോള്. രണ്ട് വര്ഷം വരെയുളള സ്ഥിര ട്രഷറി നിക്ഷേപത്തിന്റെ പലിശ നിരക്ക് 6.40 ശതമാനമായി വെട്ടിക്കുറച്ചു. നേരത്തെ ഇത് 8.50 ആയിരുന്നു ഉണ്ടായിരുന്നത്. വാണിജ്യ ബാങ്കുകള് ഉള്പ്പടെയുളള ധനകാര്യ സ്ഥാപനങ്ങള് പലിശ നിരക്ക് കുറച്ചതോടെയാണ് നടപടിയെന്ന് ധനവകുപ്പ് അറിയിക്കുകയുണ്ടായി.
രണ്ട് വര്ഷത്തിന് മുകളിലുളള നിക്ഷേപങ്ങളുടെ പലിശ നിരക്ക് 7.50 ശതമാനമായിരിക്കും. 46 ദിവസം മുതല് 90 ദിവസം വരെയുളള നിക്ഷേപങ്ങളുടെ വാര്ഷിക പലിശ നിരക്ക് 6.50 ശതമാനത്തില് നിന്ന് 5.40 ശതമാനമായി കുറച്ചു. 91 മുതല് 180 ദിവസം വരെയുളള കലാവധിയില് നിക്ഷേപിക്കുന്നവയ്ക്ക് പലിശ നിരക്ക് 7.25 ശതമാനത്തില് നിന്ന് 5.90 ശതമാനമായും 181 ദിവസം മുതല് ഒരു വര്ഷം കാലാവധിയുളള നിക്ഷേപങ്ങളുടെ പലിശ നിരക്ക് 8 ശതമാനത്തില് നിന്ന് 5.90 ശതമാനമായും വെട്ടിക്കുറച്ചു.