ജോസ് കെ മാണി രാജ്യസഭാംഗത്വം രാജിവെച്ചു
കോട്ടയം:വരാനിരിക്കുന്ന നിയമസഭാതെരഞ്ഞെടുപ്പില് പാലാ സീറ്റില് നിന്ന് മത്സരിക്കാനായി ജോസ് കെ മാണി രാജ്യസഭാംഗത്വം രാജിവെച്ചു. എം പി സ്ഥാനം രാജിവച്ചതായുള്ള രാജിക്കത്ത് ജോസ് കെ മാണി രാഷ്ട്രപതിക്ക് കൈമാറി.
കേരളാ കോണ്ഗ്രസ് എം പിളര്ത്തി ഇടതുമുന്നണിയിലെത്തിയ ജോസ് കെ മാണിക്ക് പാലാ സീറ്റ് നല്കിയാല് നിലവില് പാലാ എംഎല്എയായ മാണി സി കാപ്പനും പാര്ടിയായ എന്സിപിയും എല്ഡിഎഫ് വിടുമെന്ന് ഭീഷണി മുഴക്കിയിരുന്നു. അങ്ങനെ എന്സിപി പോകുന്നെങ്കില് പോകട്ടെയെന്നാണ് സിപിഎം നിലപാടെന്ന് ഉറപ്പായതോടെയാണ് ജോസ് കെ മാണി എംപി സ്ഥാനം രാജിവച്ച് നിയമസഭയില് കളത്തിലിറങ്ങാന് ഒരുങ്ങുന്നത്.
കേന്ദ്ര തിരഞ്ഞെടുപ്പ് കമ്മീഷനില് നിന്നും ഹൈകോടതിയില് നിന്നും അനുകൂല നടപടികള് ഉണ്ടായതോടെയാണ് രാജ്യസഭാ എംപി സ്ഥാനം ജോസ് കെ മാണി രാജിവെക്കുന്നത്.