ജോസഫ് വിഭാഗത്തിന് വീണ്ടും തിരിച്ചടി
കൊച്ചി : പി.ജെ. ജോസഫിന് കേരള കോണ്ഗ്രസ്(എം) ജോസഫ് വിഭാഗം എന്ന പേര് ഉപയോഗിക്കാനാവില്ലെന്ന് ഹൈക്കോടതിയുടെ വിധി.
കേരള കോണ്ഗ്രസ്(എം) ജോസഫ് വിഭാഗം എന്ന പേരില് ചെണ്ട പൊതു ചിഹ്നമായി അനുവദിച്ച് തരണമെന്ന് പി.ജെ. ജോസഫ് ഹൈക്കോടതിയില് ഹര്ജി നല്കിയിരുന്നു. ഇത് കോടതി അനുവദിക്കുകയും ചെയ്തു.ഇതിനു പിന്നാലെ ജോസ് കെ. മാണി വിഭാഗം ഇതേ ബെഞ്ചില് തന്നെ ഉത്തരവിനെ ചോദ്യം ചെയ്ത് സമര്പ്പിച്ച ഹര്ജിയിലാണ് വ്യക്തത വരുത്തിക്കൊണ്ട് ഉത്തരവിറങ്ങിയത്.
കേരള കോണ്ഗ്രസ്(എം) എന്ന പേര് തങ്ങള്ക്കാണ് തിരഞ്ഞെടുപ്പു കമ്മിഷന് അനുവദിച്ച് തന്നത് എന്ന ജോസ് വിഭാഗത്തിന്റെ വാദം കോടതി അംഗീകരിക്കുകയായിരുന്നു. ഇതോടെ ചിഹ്നത്തിനു പുറമേ പേരിന്റെ കാര്യത്തിലും ജോസഫ് വിഭാഗത്തിന് കനത്ത തിരിച്ചടിയാണ് നേരിട്ടിരിക്കുന്നത്.