സ്പീക്കർക്കെതിരെ അന്വേഷണം ആവശ്യപ്പെട്ട് ഗവർണർക്ക് പ്രതിപക്ഷനേതാവിന്റെ കത്ത്
തിരുവനന്തപുരം: സ്പീക്കർക്കെതിരെ അന്വേഷണം ആവശ്യപ്പെട്ട് ഗവർണർക്ക് പ്രതിപക്ഷനേതാവിന്റെ കത്ത്. നിയമസഭയിലെ നിർമാണപ്രവർത്തനങ്ങളിലെ ചട്ടലംഘനം ഉൾപ്പെടെ ചൂണ്ടിക്കാട്ടിയാണ് കത്ത്.
സമഗ്ര അന്വേഷണത്തിന് ഉത്തരവിടണമെന്നും പ്രതിപക്ഷനേതാവ് കത്തിൽ ആവശ്യപ്പെടുന്നു. 2017-ല് ലോകകേരള സഭ നടത്തിപ്പുമായി ബന്ധപ്പെട്ട കരാറിലും 2020-ല് നടത്തിയ രണ്ടാം ലോക കേരളസഭ നടത്തിപ്പുമായി ബന്ധപ്പെട്ട കരാറിലും 53 കോടി രൂപ മുടക്കി നടപ്പിലാക്കിയ ഇ-നിയമസഭ പദ്ധതിയിലും മഹാപ്രളയദുരന്തം നേരിടുന്ന സമയത്തും ഫെസ്റ്റിവല് ഓണ് ഡെമോക്രസി എന്ന പരിപാടി നടത്തി കോടികള് ചെലവഴിച്ച സ്പീക്കറുടെ നടപടിയിലും അഴിമതിയും ധൂര്ത്തും ഉണ്ടെന്നും ഇക്കാര്യത്തില് ഗവര്ണര് സമഗ്ര അന്വേഷണത്തിന് ഉത്തരവ് ഇടണമെന്നും ചെന്നിത്തല കത്തില് ആവശ്യപ്പെട്ടു.