യാക്കോബായ വിഭാഗം 52 പള്ളികള്‍ കേന്ദ്രീകരിച്ച്‌ റിലേ സത്യഗ്രഹം തുടങ്ങി
കോലഞ്ചേരി: മലങ്കര സഭ തര്‍ക്കവുമായി ബന്ധപ്പെട്ട് യാക്കോബായ വിഭാഗം സമരമുഖത്തേക്ക്. ഓര്‍ത്തഡോക്സ് പക്ഷം പിടിച്ചെടുത്ത പള്ളികള്‍ കേന്ദ്രീകരിച്ച്‌ സമരം തുടങ്ങി. ഞായറാഴ്ച രാവിലെ കുര്‍ബാനക്ക് ശേഷമാണ് നഷ്ടമായ 52 പള്ളികള്‍ കേന്ദ്രീകരിച്ച്‌ റിലേ സത്യഗ്രഹ സമരം ആരംഭിച്ചത്.
നഷ്ടമായ മുഴുവന്‍ പള്ളികളിലും അടുത്ത ഞായറാഴ്ച പ്രകടനമായെത്തി ആരാധനക്കായി പ്രവേശിക്കാനും യാക്കോബായ വിശ്വാസികള്‍ തീരുമാനിച്ചു. സഭ തര്‍ക്കത്തില്‍ സര്‍ക്കാര്‍ നിയമ നിര്‍മാണം നടത്തണമെന്നാവശ്യപ്പെട്ടാണ് സമരം. ഇതിെന്‍റ ഭാഗമായി ഈ മാസം 15ന് തോമസ് മാര്‍ അലക്സാന്ത്രയോസ് മെത്രാപ്പോലീത്തയുടെ നേതൃത്വത്തില്‍ വയനാട് നിന്നും തിരുവനന്തപുരത്തേക്ക് അവകാശ സംരക്ഷണ ജാഥ നടത്തും.
സര്‍ക്കാര്‍ ഇടപെടലുണ്ടായില്ലെങ്കില്‍ ജനുവരി ഒന്ന് മുതല്‍ സെക്രേട്ടറിയറ്റിന് മുന്നില്‍ സഭയുടെ മെത്രാപ്പോലീത്തമാരും വൈദീകരുമടക്കം അനിശ്ചിതകാല സമരം നടത്തും.