ശബരിമലയില്‍ ഈമാസം 5ന് യുവതികളെത്തിയാല്‍ സന്നിധാനത്ത് എത്തിക്കും: പത്തനംതിട്ട എസ്.പി
പത്തനംതിട്ട : ചിത്തിര ആട്ടത്തിരുനാൾ വിശേഷാൽ പൂജയ്ക്കായി ശബരിമല നട തുറക്കുന്ന ഈ മാസം അഞ്ചിന് യുവതികളെത്തിയാൽ അവരെ സന്നിധാനത്തെത്തിക്കാൻ എല്ലാ സുരക്ഷാ സൗകര്യങ്ങളും ഒരുക്കുമെന്ന് പത്തനംതിട്ട എസ് പി ടി നാരായണൻ.
ശബരിമലയിലെത്താൻ ഏത് യുവതികൾ സംരക്ഷണം ആവശ്യപ്പെട്ടാലും നൽകാനാണ് സർക്കാർ തീരുമാനം.നാളെ മുതൽ ജില്ല കർശനമായും പൊലീസ് സുരക്ഷയിലായിരിക്കുമെന്നും എസ്പി പറഞ്ഞു.മാത്രമല്ല നിലയ്ക്കൽ മുതൽ ശബരിമല വരെയുള്ള ഭാഗം പ്രത്യേക സുരക്ഷാ മേഖലയായി പ്രഖ്യാപിച്ചു കഴിഞ്ഞു.