കേരളാ സാക്ഷരതാ മിഷന്റെ നാലാം തരം തുല്യതാ പരീക്ഷ കാര്‍ത്ത്യായനി മുത്തശ്ശി പാസായി
ആലപ്പുഴ: കേരളാ സാക്ഷരതാ മിഷന്റെ നാലാം തരം തുല്യതാ പരീക്ഷ കിഴക്കിന്റെ വെനീസിലെ കാര്‍ത്ത്യാനി മുത്തശ്ശി 100 യില്‍ 98 മാര്‍ക്കോടു കൂടി പാസായി. മുത്തശ്ശിക്ക് നഷ്ടമായത് വെറും 2 മാര്‍ക്ക് മാത്രം. കണക്കിലെ ഒരു പദം വിട്ടു പോയതാണ് മാര്‍ക്കു നഷ്ടപ്പെടാന്‍ കാരണം.
മലയാള മിഷന്റെ ആഭിമുഖ്യത്തിലുള്ള ഭൂമി മലയാളം പദ്ധതിയുടെയും ലോക മലയാള ഭാഷയുടെയും ഔപചാരിക ഉദ്ഘാടന ചടങ്ങില്‍ ഉന്നത വിജയത്തിനുള്ള സര്‍ട്ടിഫിക്കറ്റ് കാര്‍ത്ത്യായനി അമ്മയ്ക്ക് മുഖ്യമന്ത്രി സമ്മാനിച്ചു.