പണം നിക്ഷേപിച്ചത് മാനദണ്ഡങ്ങൾ പാലിച്ച്: കിഫ്ബി സി.ഇ.ഒ
തിരുവനന്തപുരം: യെസ് ബാങ്കിൽ നിക്ഷേപം നടത്തിയ സംഭവത്തിൽ വിശദീകരണവുമായി കിഫ്ബി. പണം നിക്ഷേപിച്ചത് മാനദണ്ഡങ്ങൾ പാലിച്ച്. കിഫ്ബിക്കെതിരെ ഇ.ഡി. ഒരു തരത്തിലുളള അന്വേഷണവും ആരംഭിച്ചിട്ടില്ല. ഏതു അന്വേഷണത്തെയും സ്വാഗതം ചെയ്യുന്നുവെന്നും കിഫ്ബി സി.ഇ.ഒ ഡോ.കെ.എം.എബ്രഹാം പറഞ്ഞു. ടെൻണ്ടർ വിളിച്ചാണ് ബാങ്കുകളിൽ നിന്ന് നിരക്ക് ക്ഷണിച്ചത്. യെസ് ബാങ്കിന്റെ റേറ്റിംഗ് ഇടഞ്ഞപ്പോൾ ഇടപാടുകൾ അവസാനിപ്പിച്ചുവെന്നും അദ്ദേഹം വ്യക്തമാക്കി.
സംസ്ഥാന സർക്കാരിന്റെ കീഴിലെ കിഫ്ബിക്കെതിരെ ഇ.ഡി അന്വേഷണം നടത്തുമെന്ന് പാർലമെന്റിൽ കേന്ദ്ര സർക്കാർ വ്യക്തിമാക്കിയതിന് പിന്നാലെയാണ് വിശദീകരണവുമായി കിഫ്ബി സി.ഇ.ഒ രംഗത്തെത്തിയത്.