രാജ്യത്ത് 24 മണിക്കൂറിനിടെ 983 കോവിഡ് മരണം
ന്യൂഡല്ഹി :രാജ്യത്ത് കഴിഞ്ഞ 24 മണിക്കൂറിനിടെ റിപ്പോര്ട്ട് ചെയ്തത് 983 കോവിഡ് മരണം. ഇതോടെ 54849 പേരാണ് രാജ്യത്ത് ഇതുവരെ രോഗം ബാധിച്ച് മരിച്ചത്. ആരോഗ്യമന്ത്രാലയത്തിെന്റ റിപ്പോര്ട്ട് പ്രകാരം രാജ്യത്തെ മരണനിരക്ക് 1.89 ശതമാനമാണ്.
കഴിഞ്ഞ 24 മണിക്കൂറിനുള്ളില് രാജ്യത്ത് 68,898 പേര്ക്കാണ് കോവിഡ് ബാധ സ്ഥിരീകരിച്ചത്. ഇതോടെ രാജ്യത്തെ കോവിഡ് ബാധിതരുടെ എണ്ണം 29 ലക്ഷം കടന്നു. കേന്ദ്ര ആരോഗ്യ കുടുംബക്ഷേമമന്ത്രാലയം പുറത്തുവിട്ട കണക്കുകള് പ്രകാരം 29,05,844 പേര്ക്കാണ് ഇതുവരെ കോവിഡ് സ്ഥിരീകരിച്ചിട്ടുള്ളത്.
രാജ്യത്ത് ഇതുവരെ 21,58,947 പേര് രോഗമുക്തി നേടി. കഴിഞ്ഞ ദിവസം 62,282 പേര് ആശുപത്രിവിട്ടു. രാജ്യത്തെ കോവിഡ് രോഗമുക്തി നിരക്ക് 74.30 ശതമാനമായി ഉയര്ന്നുവെന്ന് ആരോഗ്യമന്ത്രാലയം അറിയിച്ചു.