സ്വര്‍ണക്കടത്ത്:പ്രതികള്‍ പണം വിദേശത്തെത്തിച്ചത് ഹവാല ഇടപാടിലൂടെയെന്ന് കസ്റ്റംസ്
കൊച്ചി: നയതന്ത്ര ബാഗേജ് വഴി കടത്തുന്ന സ്വര്‍ണം വാങ്ങാനുള്ള പണം പ്രതികള്‍ ഹവാല ഇടപാടിലൂടെയാണ് വിദേശത്തെത്തിച്ചതെന്ന് കസ്റ്റംസ് ഹൈകോടതിയില്‍. സ്വര്‍ണക്കടത്തില്‍ വന്‍കിട നിേക്ഷപകരടക്കം കൂടുതല്‍ പേര്‍ക്ക് പങ്കാളിത്തമുണ്ടോയെന്ന് വിശദമായി അന്വേഷിക്കേണ്ടതുണ്ട്. ഇടപാടിന് വന്‍ തുക മുടക്കിയവരെന്ന് കണ്ടെത്തിയ ചിലരെ പിടികൂടിയിട്ടുണ്ട്. നയതന്ത്ര ബാഗേജ് സ്വര്‍ണക്കടത്തില്‍ ഇവരുടെ പങ്കാളിത്തം വ്യക്തമാണ്.
ഇവരെ ചോദ്യം ചെയ്യുന്നതിലൂടെെയ കൂടുതല്‍ പേരുടെ പങ്കാളിത്തം വെളിപ്പെടുകയുള്ളൂവെന്ന് അന്വേഷണ ഉദ്യോഗസ്ഥനായ കസ്റ്റംസ് സൂപ്രണ്ട് സമര്‍പ്പിച്ച സത്യവാങ്മൂലത്തില്‍ പറയുന്നു. ഒമ്ബതാം പ്രതി മേഞ്ചരി സ്വദേശി മുഹമ്മദ് അന്‍വര്‍, 13ാം പ്രതി കോഴിക്കോട് വാവാട് സ്വദേശി മുഹമ്മദ് അബ്ദുല്‍ ഷമീം, 14ാം പ്രതി കോഴിക്കോട് സ്വദേശി ജിഫ്സല്‍ എന്നിവരുടെ ജാമ്യഹരജിയിലാണ് വിശദീകരണം. നയതന്ത്ര ബാഗേജുകള്‍ക്കുള്ള കസ്റ്റംസ് ഡ്യൂട്ടി ഇളവിന് സമര്‍പ്പിച്ച ബില്‍ ഓഫ് എന്‍ട്രി നിയമപരമായ ഘടനയിലുള്ളതായിരുന്നില്ലെന്നും മതിയായ രീതിയിെല ഒപ്പുണ്ടായിരുന്നില്ലെന്നും സത്യവാങ്മൂലത്തില്‍ പറയുന്നു. ഇതിലെ സംശയത്തെത്തുടര്‍ന്ന് നടത്തിയ അന്വേഷണത്തിലാണ് പ്രതികള്‍ പിടിയിലായത്. ഒന്നാം പ്രതി പി.എസ്. സരിത്താണ് പിന്നീട് പ്രതിയായ കെ.ടി. റമീസിെന്‍റ പങ്കാളിത്തത്തെക്കുറിച്ച്‌ മൊഴി നല്‍കിയത്. ഇന്‍റലിജന്‍സ് റിപ്പോര്‍ട്ടിനെത്തുടര്‍ന്ന് സെയ്തലവി ഇ. എടക്കാടന്‍ എന്നയാളെ ചോദ്യം ചെയ്തു.
ഇന്ത്യയിലേക്ക് വന്‍തോതില്‍ അനധികൃത സ്വര്‍ണം കൊണ്ടുവന്നതിലൂടെ ദേശീയസുരക്ഷക്കും സാമ്ബത്തിക സുരക്ഷിതത്വത്തിനും ഭീഷണി ഉയര്‍ത്തിയവരാണ് ഹരജിക്കാരായ പ്രതികള്‍. വലിയ കള്ളക്കടത്ത് സംഘത്തിെന്‍റ ഭാഗമാണിവര്‍. ജാമ്യമില്ലാത്ത കുറ്റമാണ് ചുമത്തിയിട്ടുള്ളത്. പ്രതികളെ ജാമ്യത്തില്‍ വിട്ടാല്‍ തെളിവ് നശിപ്പിക്കാനും സാക്ഷികളെ സ്വാധീനിക്കാനും കേസ് അട്ടിമറിക്കാനും ശ്രമമുണ്ടാകുമെന്നും സത്യവാങ്മൂലത്തില്‍ പറയുന്നു.