അയോധ്യയില്‍ ഭൂമി പൂജ നടക്കുന്ന ദിവസം അഞ്ചില്‍ കൂടുതല്‍ പേര്‍ ഒരുമിച്ച്‌ നില്‍ക്കരുതെന്ന് യു.പി പൊലീസ്
അയോധ്യ: അയോധ്യയില്‍ രാമക്ഷേത്ര ഭൂമി പൂജ നടക്കുന്ന ദിവസം അഞ്ചില്‍ കൂടുതല്‍ പേര്‍ ഒരുമിച്ച്‌ നില്‍ക്കരുതെന്ന് യു.പി പൊലീസ്. പ്രധാനമന്ത്രി നരേന്ദ്രമോദി ഉള്‍പ്പടെയുള്ളവര്‍ പങ്കെടുക്കുന്ന ചടങ്ങ് നടക്കുന്ന ആഗസ്റ്റ് അഞ്ചിനാണ് നിയന്ത്രണം ഏര്‍പ്പെടുത്തിയിരിക്കുന്നത്.
കോവിഡ് പ്രോട്ടോകോള്‍ പാലിക്കുന്നതിന്‍െറ ഭാഗമായാണ് ആളുകള്‍ കൂട്ടം കൂടുന്നതിന് വിലക്കേര്‍പ്പെടുത്തിയതെന്ന് യു.പി പൊലീസ് അറിയിച്ചു.
ക്ഷേത്രത്തില്‍ ഭക്തര്‍ക്കും കര്‍ശന നിയന്ത്രണമുണ്ട്. ഭൂമിപൂജയുടെ ചടങ്ങ് എല്ലാവരും ടി.വിയിലൂടെ കാണണമെന്ന് ക്ഷേത്രം അധികാരികള്‍ അഭ്യര്‍ഥിച്ചു.
നേരത്തെ അയോധ്യയില്‍ ഡ്യൂട്ടിയിലുണ്ടായിരുന്ന 16 പൊലീസുകാര്‍ക്കും ക്ഷേത്രത്തിലെ പൂജാരിക്കും കോവിഡ് സ്ഥിരീകരിച്ചിരുന്നു.