ഇന്ത്യയില് കോവിഡ് മരണം 872
ന്യൂഡല്ഹി: ഇന്ത്യയില് കോവിഡ് 19 കേസുകള് വര്ധിക്കുന്നു. ആരോഗ്യമന്ത്രാലയം പുറത്തുവിട്ട കണക്കുകള് പ്രകാരം കഴിഞ്ഞ 24 മണിക്കൂറിനിടെ ഇന്ത്യയില് 1,396 കേസുകളാണ് റിപ്പോര്ട്ട് ചെയ്തത്. ഇതുവരെ 27,892 പേര്ക്ക് രോഗം സ്ഥിരീകരിച്ചതായി ആരോഗ്യമന്ത്രാലയം അറിയിച്ചു. രാജ്യത്തിന്റെ വിവിധ ഭാഗങ്ങളില് 48 പേര് 24 മണിക്കൂറിനിടെ കോവിഡ് ബാധിച്ച് മരിച്ചു. ഇതോടെ കോവിഡ് മൂലം മരിച്ചവരുടെ എണ്ണം 872 ആയി ഉയര്ന്നു.
6,185 പേരാണ് ഇന്ത്യയില് രോഗമുക്തി നേടിയത്. 27 ജില്ലകളിലാണ് ആകെ രോഗികളുടെ 68 ശതമാനവും. മഹാരാഷ്ട്ര, ഡല്ഹി, ഗുജറാത്ത്, മധ്യപ്രദേശ്, തെലുങ്കാന തുടങ്ങിയ സംസ്ഥാനങ്ങളിലാണ് തീവ്രരോഗബാധിത ജില്ലകള് ഉള്പ്പെടുന്നത്. മഹാരാഷ്ട്രയില് 8,068 പേര്ക്കാണ് കോവിഡ് സ്ഥിരീകരിച്ചത്. 342 പേരാണ് ഇവിടെ മരിച്ചത്
കൊറോണ രോഗികളുടെ എണ്ണത്തില് ഇന്ത്യയില് രണ്ടാമത് നില്ക്കുന്നത് ഗുജറാത്താണ്. 3,301 രോഗികളാണ് ഗുജറാത്തിലുള്ളത്. 151 പേരാണ് ഇവിടെ മരിച്ചത്.