നടിയെ ആക്രമിച്ച കേസില് നിര്ണായകമായി മഞ്ജു വാര്യരുടെ മൊഴി; വിസ്താരം 22ന്
കൊച്ചി: നടിയെ തട്ടിക്കൊണ്ടുപോയി ആക്രമിച്ച് ദൃശൃങ്ങള് പകര്ത്തിയ കേസില് നടി മഞ്ജു വാര്യരെ പ്രത്യേക കോടതി വിസ്തരിക്കും. ഈ മാസം 22 നായിരിക്കും മഞ്ജു വാര്യരുടെ വിസ്താരം നടക്കുക. കേസിലെ പ്രധാന സാക്ഷികളിലൊരാളായ മഞ്ജുവിന്റെ മൊഴി കേസില് ഏറ നിര്ണായകമാണ്.
കേസില് ഇന്ന് മൂ്വ് സാക്ഷികളുടെ വിസ്താരം പൂര്ത്തിയായി. ദൃശ്യങ്ങള് പകര്ത്തിയ ശേഷം ഒന്നാം പ്രതി പള്സര് സുനി ഒളിവില് കഴിഞ്ഞ അമ്ബലപ്പുഴയിലെ വീട്ടിലെ ഗൃഹനാഥന്റെ വിസ്താരമാണ് ഇന്ന് പ്രധാനമായും നടന്നത്. സുഹൃത്തായ ഗൃഹനാഥനെ പള്സര് സുനി ദൃശ്യങ്ങള് കാണിച്ചിരുന്നു. കാണിച്ചിരുന്നു. ഒളിവിലായിരുന്ന സമയത്ത് പ്രതികള് സഞ്ചരിച്ച കാറിന്റെ ഡ്രൈവറെയും മറ്റൊരു അപ്രധാന സാക്ഷിയെയും കോടതി വിസ്തരിച്ചു. അടുത്ത വിസ്താരം 19 ന് നടക്കും.
നേരത്തെ സാക്ഷികളായ നടി രമ്യ നമ്ബീശന്, സഹോദരന് രാഹുല്, സംവിധായകന് ലാലിന്റെ ഡ്രൈവര് എന്നിവരെ പ്രത്യേക കോടതി വിസ്തരിച്ചിരുന്നു. ആക്രമിച്ച് ദൃശ്യങ്ങള് പകര്ത്തിയശേഷം നടിയെ സംവിധായകന് ലാലിന്റെ വീടിനടുത്താണ് പ്രതികള് വാഹനത്തില് നിന്ന് ഇറക്കിവിട്ടത്. ലാലിനെയാണ് നടി പീഡനവിവരം ആദ്യം അറിയിച്ചത്. 136 സാക്ഷികളെയാണ് ആദ്യഘട്ടത്തില് കോടതി വിസ്തരിക്കുന്നത്. 35 ദിവസം കൊണ്ട് ആദ്യഘട്ട വിചാരണ പൂര്ത്തിയാക്കും.