പൗരത്വ ഭേദഗതി: പ്രതിഷേധക്കാര്ക്ക് അത് തുടരാമെന്ന് അമിത് ഷാ
ലക്നൗ: പൗരത്വ ഭേദഗതി നിയമം പിന്വലിക്കുന്ന വിഷയം ഉദിക്കുന്നില്ലെന്ന് ആഭ്യന്തര മന്ത്രി അമിത് ഷാ. നിയമ ഭേദഗതിക്കെതിരെ പ്രതിഷേധിക്കുന്നവര്ക്ക് അത് തുടരാമെന്നും അദ്ദേഹം പറഞ്ഞു. ലക്നൗവില് ഈ വിഷയത്തില് ബിജെപി സംഘടിപ്പിച്ച റാലിയെ അഭിസംബോധന ചെയ്ത് സംസാരിക്കുകയായിരുന്നു അമിത് ഷാ.
‘ഞാന് ആവര്ത്തിക്കാന് ആഗ്രഹിക്കുന്നു, സര്ക്കാര് പൗരത്വ ഭേദഗതി നിയമത്തില് നിന്ന് പിന്നോക്കം പോകുന്ന പ്രശ്നം ഉദിക്കുന്നില്ല. പ്രതിഷേധിക്കേണ്ടവര്ക്ക് അത് തുടരാം’, ഇതായിരുന്നു ആഭ്യന്തരമന്ത്രിയുടെ വാക്കുകള്.
പ്രതിപക്ഷത്തിന് യാഥാര്ഥ്യം തിരിച്ചറിയാനാകുന്നില്ല, കാരണം വോട്ടു ബാങ്ക് രാഷ്ട്രീയത്തിന്റെ മുഖംമൂടിയാല് അവരുടെ കണ്ണുകള് മൂടപ്പെട്ടിരിക്കുകയാണെന്നും അദ്ദേഹം കുറ്റപ്പെടുത്തി.