മലപ്പുറത്ത് വീണ്ടും സദാചാര പൊലീസ് ആക്രമണം, യുവാവ് ഗുരുതരാവസ്ഥയിൽ
മലപ്പുറം: മലപ്പുറം തിരൂര് പെരുമ്പടപ്പില് സദാചാര പൊലീസ് ചമഞ്ഞ് യുവാവിന് നേരെ ആക്രമണം. വനിതാ സുഹൃത്തിനെ കാണാന് എത്തിയ യുവാവിനെ ഒരു സംഘം ആളുകളാണ് ചേര്ന്നാണ് മര്ദിച്ചത്.പെരുമ്പടപ്പ് സ്വദേശി ബാദുഷക്കാണ് മര്ദ്ദനമേറ്റത്.സുഹൃത്തായ യുവതിയുടെ വീട്ടിലെത്തിയപ്പോഴായിരുന്നു ആക്രമണം.രാത്രി വനിതാ സുഹൃത്തിന്റെ വീട്ടിലെത്തിയ ബാദുഷയെ നാട്ടുകാരില് ഒരു സംഘം വലിയ വടികളും ഉപയോഗശൂന്യമായ ട്യൂബ് ലൈറ്റുകളും ഉപയോഗിച്ച് ആക്രമിക്കുകയായിരുന്നു.
ബാദുഷയുടെ അകന്ന ബന്ധു കൂടിയാണ് സുഹൃത്തായ യുവതി. സംഭവത്തില് കണ്ടാലറിയാവുന്ന പതിനഞ്ചു പേര്ക്കെതിരെ പെരുമ്പടപ്പ് പൊലീസ് കേസെടുത്തു.വതിയുടെ അകന്ന ബന്ധു കൂടിയാണ് ബാദുഷ. ഇരുകുടുംബങ്ങള് തമ്മില് ഏറെക്കാലമായി പരിചയവുമുണ്ട്. സുഹൃത്തായ യുവതിയുടെ ഭര്ത്താവ് വിദേശത്താണ്. ബാദുഷ വീട്ടിലേക്ക് വരുന്നതില് യുവതിയുടെ ഭര്ത്താവിനോ കുടുംബത്തിനോ യുവതിയുടെ കുടുംബത്തിനോ പരാതി ഇല്ല. എന്നാല്, ബാദുഷ ഇടയ്ക്കിടെ വീട്ടില് വരുന്നതിന് ഒരു സംഘം നാട്ടുകാര്ക്കായിരുന്നു ബുദ്ധിമുട്ട്.