സംസ്ഥാനം സാമ്പത്തിക പ്രതിസന്ധി നേരിടുമ്പോള് മുഖ്യമന്ത്രിയും കൂട്ടരും ഉല്ലാസയാത്രയ്ക്കുപോയി: മുല്ലപ്പള്ളി രാമചന്ദ്രന്
തിരുവനന്തപുരം: സംസ്ഥാനം കടുത്ത സാമ്പത്തിക പ്രതിസന്ധിയിൽ വലയുമ്പോൾ പിണറായി വിജയനും, മന്ത്രിമാരും വിദേശത്ത് ഉല്ലാസയാത്ര നടത്തുകയാണെന്ന് കെ പി സി സി പ്രസിഡന്റ് മുല്ലപ്പള്ളി രാമചന്ദ്രന്. മുഖ്യമന്ത്രിയും നാല് മന്ത്രിമാരും ഉദ്യോഗസ്ഥവൃന്ദവും കുടുംബസമേതം വിദേശത്ത് ഉല്ലാസയാത്ര നടത്തുകയാണെന്ന് അദ്ദേഹം കൂട്ടിച്ചേർത്തു.
പിണറായി വിജയൻ പ്രവര്ത്തിക്കുന്നത് റോമാ നഗരം കത്തിയെരിഞ്ഞപ്പോള് വീണവായിച്ചു രസിച്ച നീറോ ചക്രവര്ത്തിയെപ്പോലെയാണ്. ഇത് മുഗള്ചക്രവര്ത്തിമാരുടെ അവസാനകാലഘട്ടത്തെ ഓര്മ്മിപ്പിക്കുന്നു. മന്ത്രിമാരായ ഇ പി ജയരാജന്, എ കെ ശശീന്ദ്രന് എന്നിവരാണ് മുഖ്യമന്ത്രിയുടെ ജപ്പാന്, കൊറിയന് പര്യടനത്തില് കുടുംബസമേതം ഉള്ളത്. ഐ എ എസുകാരുടെ സംഘം, ആരോഗ്യമിഷന്റെയും ശുചിത്വമിഷന്റെയും ഉദ്യോഗസ്ഥര്, പോഴ്സണല് സ്റ്റാഫ്, വീട്ടുജോലിക്കാര് തുടങ്ങിയവര് ഉള്പ്പെടുന്ന വന്സംഘമാണ് മുഖ്യമന്ത്രിക്കൊപ്പമുള്ളതെന്നും മുല്ലപ്പള്ളി ചൂണ്ടികാട്ടി.