ഇടുക്കിയിൽ യുഡിഎഫിന്റെ രാപ്പകൽ സമരം ഇന്ന്

ഇടുക്കി: ഭൂപതിവ് ചട്ട ഭേദഗതി ഉത്തരവിൽ പ്രതിഷേധിച്ച് ഇടുക്കി നെടുങ്കണ്ടത്ത് ഇന്ന് യുഡിഎഫിന്റെ രാപ്പകൽ സമരം. രാവിലെ 10 മണിക്കാണ് 24 മണിക്കൂർ സമരത്തിന് തുടക്കമാവുക. ഇടുക്കി ജില്ലയിൽ മാത്രമായി 1964ലെ ഭൂപതിവ് ചട്ടത്തിൽ ഭേദഗതി വരുത്തി കഴിഞ്ഞ ഓഗസ്റ്റ് 22നാണ് സർക്കാർ ഉത്തരവിറക്കിയത്. ഇടുക്കിയിൽ മാത്രമായി ഇത്തരമൊരു നിയമം കൊണ്ടുവന്നതിൽ ദുരൂഹതയുണ്ടെന്നാണ് യുഡിഎഫിന്റെ ആരോപണം. ഉത്തരവിനെതിരെ ഈ മാസം 28നും യുഡിഎഫ് ഹർത്താൽ പ്രഖ്യാപിച്ചിട്ടുണ്ട്.