നടിയെ ആക്രമിച്ച കേസിലെ മുഖ്യപ്രതി പള്സര് സുനിയെ മെഡിക്കല് കോളേജില് പ്രവേശിപ്പിച്ചു
തൃശൂര്: നടിയെ ആക്രമിച്ച കേസിലെ മുഖ്യപ്രതി പള്സര് സുനിയെ മെഡിക്കല് കോളേജില് പ്രവേശിപ്പിച്ചു. ദിവസങ്ങളായി ഉറക്കക്കുറവ് അനുഭവപ്പെട്ടതിനെ തുടര്ന്നാണ് ചികിത്സ തേടിയതെന്നാണ് അധികൃതര് നല്കുന്ന വിശദീകരണം.
മാനസിക സംഘര്ഷമാണ് ഉറക്കക്കുറവിന് കാരണമെന്ന് ഡോക്ടര്മാര് പറഞ്ഞു. നടിയെ ആക്രമിച്ച കേസില് സംവിധായകന് ബാലചന്ദ്രകുമാറിന്റെ വെളിപ്പെടുത്തലിന്റെ അടിസ്ഥാനത്തില് പള്സര് സുനിയെ അടുത്ത ദിവസം ചോദ്യം ചെയ്യാനിരിക്കെയാണ് ചികിത്സ തേടല്.
ഇന്നലെ ഉച്ചയോടെ നെടുമ്ബാശേരി പൊലീസാണ് സുനിയെ ആശുപത്രിയിലെത്തിച്ചത്. സൈക്യാട്രിക് വിഭാഗത്തിലെത്തി ഡോക്ടറെ കണ്ടു. ജയിലില് തന്റെ ജീവന് ഭീഷണിയുണ്ടെന്ന് പള്സര് സുനി നേരത്തെ ആരോപിച്ചിരുന്നു.