കുട്ടനാട്ടില് ഐസ്ക്രീം ഫാക്ടറിയില് പൊട്ടിത്തെറി
ആലപ്പുഴ: കുട്ടനാട്ടിലെ പുളിങ്കുന്നില് ഐസ്ക്രീം പാര്ലറില് ഉണ്ടായ പൊട്ടിത്തെറിയില് സമീപത്തെ മൂന്ന് കടകള് പൂര്ണ്ണമായും തകര്ന്നു. പുളിങ്കുന്ന് പാടിത്തറയില് ലാലിച്ചന്റെ ഉടമസ്ഥതയിലുള്ള ലിയോ ഏജന്സീസിലാണ് പൊട്ടിത്തെറിയുണ്ടായത്.
പൊട്ടിത്തെറിയുടെ ആഘാതത്തില് സമീപത്തെ സ്റ്റുഡിയോ, ബേക്കറി, ഇരുമ്പുകട എന്നിവ പൂര്ണ്ണമായും തകര്ന്നു. സ്ഫോടനത്തില് 50 മീറ്റര് ചുറ്റളവില് കെട്ടിടത്തിന്റെ അവശിഷ്ടങ്ങള് തെറിച്ചു വീണു.
ഐസ്ക്രീം സൂക്ഷിച്ചിരുന്ന ഫ്രീസറിലെ കംപ്രസര് പൊട്ടിത്തെറിച്ചതാണ് അപകടകാരണമെന്നാണ് പ്രാഥമിക നിഗമനം. പോലീസ് അന്വേഷണം ആരംഭിച്ചു.