നാലുദിവസം ശക്തമായ കാറ്റിന് സാദ്ധ്യത; 11 ജില്ലകളില് യെല്ലോ അലര്ട്ട്
തിരുവനന്തപുരം: ഈ മാസം 21 വരെ കേരളത്തില് ശക്തമായ കാറ്റിന് സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ശക്തമായ കാറ്റിനെ നേരിടാനുള്ള പൊതുജാഗ്രത നിര്ദ്ദേശങ്ങളും പുറപ്പെടുവിച്ചിട്ടുണ്ട്.
രണ്ടര മീറ്റര് മുതല് 3.3 മീറ്റര് വരെ ഉയരത്തില് തിരമാലയ്ക്കും കടലാക്രമണത്തിനും സാധ്യത ഉള്ളതായാണ് മുന്നറിയിപ്പ്. കേരളാ തീരങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റ് വീശിയേക്കുമെന്നും മുന്നറിയിപ്പുണ്ട്. മത്സ്യബന്ധനത്തിന് പോകരുതെന്നും മുന്നറിയിപ്പുണ്ട്.
കേരളാ തീരത്തിന് പുറമെ കര്ണാടക, തമിഴ്നാട്, ലക്ഷദ്വീപ് തീരങ്ങളിലും ശക്തമായ തിരമാല ഉയരുമെന്ന മുന്നറിയിപ്പുണ്ട്
അടുത്ത മൂന്ന് ദിവസങ്ങളില് 11 ജില്ലകളില് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട് എന്നീ ജില്ലകളിലാണ് യെല്ലോ അലര്ട്ട്.