കേരളത്തില് ഇന്ന് 7955 പേര്ക്കുകൂടി കോവിഡ്
തിരുവനന്തപുരം: കേരളത്തില് ഇന്ന് 7955 പേര്ക്കുകൂടി കോവിഡ് സ്ഥിരീകരിച്ചു.
എറണാകുളം 1280, തിരുവനന്തപുരം 985, കോഴിക്കോട് 937, തൃശൂര് 812, കോട്ടയം 514, കൊല്ലം 500, പാലക്കാട് 470, ഇടുക്കി 444, മലപ്പുറം 438, പത്തനംതിട്ട 431, കണ്ണൂര് 420, ആലപ്പുഴ 390, വയനാട് 217, കാസര്ഗോഡ് 117 എന്നിങ്ങനേയാണ് ജില്ലകളിലെ രോഗ ബാധയുടെ കണക്കുകള്. കഴിഞ്ഞ ദിവസങ്ങളിലുണ്ടായ 57 മരണങ്ങളും ഇന്ന് കോവിഡ് മൂലമാണെന്ന് സ്ഥിരീകരിച്ചത്. ഇതോടെ സംസ്ഥാനത്തെ ആകെ മരണം 26,791 ആയി.
കഴിഞ്ഞ 24 മണിക്കൂറിനിടെ 79,722 സാമ്ബിളുകള് പരിശോധിച്ചു. പ്രതിവാര ഇന്ഫെക്ഷന് പോപ്പുലേഷന് റേഷ്യോ പത്തിന് മുകളിലുള്ള 158 തദ്ദേശ സ്വയംഭരണ പ്രദേശങ്ങളിലായി 211 വാര്ഡുകളുണ്ട്. ഇവിടെ കര്ശന നിയന്ത്രണമുണ്ടാകും.
സംസ്ഥാനത്തെ വിവിധ ജില്ലകളിലായി 3,14,640 പേര് നിലവില് നിരീക്ഷണത്തിലുണ്ട്. ഇവരില് 3,04,170 പേര് വീട്ടിലും 10,404 പേര് ആശുപത്രികളിലും നിരീക്ഷണത്തിലാണ്. 713 പേരെ പുതുതായി ആശുപത്രിയില് പ്രവേശിപ്പിച്ചു. നിലവില് 90,885 കോവിഡ് കേസുകളില്, 9.8 ശതമാനം വ്യക്തികളെ മാത്രമാണ് ആശുപത്രികളില് പ്രവേശിപ്പിക്കപ്പെട്ടിട്ടുള്ളത്.
ഇന്ന് രോഗം സ്ഥിരീകരിച്ചവരില് 27 പേര് സംസ്ഥാനത്തിന് പുറത്ത് നിന്ന് വന്നവരാണ്. 7562 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 321 പേരുടെ സമ്പര്ക്ക ഉറവിടം വ്യക്തമല്ല. 45 ആരോഗ്യ പ്രവര്ത്തകര്ക്ക് രോഗം ബാധിച്ചു.
സംസ്ഥാനത്ത് കഴിഞ്ഞ 24 മണിക്കൂറില് 11,769 പേര് രോഗമുക്തി നേടി. തിരുവനന്തപുരം 1351, കൊല്ലം 1039, പത്തനംതിട്ട 428, ആലപ്പുഴ 552, കോട്ടയം 577, ഇടുക്കി 666, എറണാകുളം 1512, തൃശൂര് 1304, പാലക്കാട് 790, മലപ്പുറം 681, കോഴിക്കോട് 1694, വയനാട് 312, കണ്ണൂര് 656, കാസര്ഗോഡ് 207 എന്നിങ്ങനേയാണ് രോഗമുക്തിയായത്. നിലവില് സംസ്ഥാനത്ത് 90,885 കോവിഡ് രോഗികളുണ്ട്.