മോണ്സന്റെ കൈവശമുള്ള ശബരിമല ചെമ്പോല വ്യാജമെന്ന് മുഖ്യമന്ത്രി
തിരുവനന്തപുരം: മോന്സന് മാവുങ്കലിന്റെ കൈവശമുള്ള ശബരിമല ചെമ്പോല വ്യാജമെന്ന് മുഖ്യമന്ത്രി പിണറായി വിജയന്. ചെമ്പോല വ്യാജമാണെന്ന് അന്വേഷണത്തില് തെളിഞ്ഞിട്ടുണ്ടെന്നും ചെമ്പോല യഥാര്ഥമാണെന്ന് സര്ക്കാര് അവകാശപ്പെട്ടിട്ടില്ലെന്നും മുഖ്യമന്ത്രി നിയമസഭയില് വിശദീകരിച്ചു.
ശബരിമല വിധി വന്ന സമയത്ത് ആചാര അനുഷ്ഠാനങ്ങള് സംബന്ധിച്ച ആധികാരിക രേഖയായി അവതരിപ്പിക്കപ്പെട്ട ചെമ്പോയെക്കുറിച്ചാണ് മുഖ്യമന്ത്രി വിശദീകരിച്ചത്. ചില മാധ്യമങ്ങളില് അതേക്കുറിച്ച് വാര്ത്തകള് വന്നിരുന്നു. വാര്ത്ത നല്കിയ സി.പി.എം പാര്ട്ടി പത്രത്തിനെതിരെ നടപടിയെടുക്കുമോ എന്ന് ചോദ്യോത്തരവേളയില് പ്രതിപക്ഷ നേതാവ് വിഡി സതീശന് ചോദിച്ചു. ഈ ചോദ്യം അടക്കമുള്ളവയ്ക്കാണ് മുഖ്യമന്ത്രി മറുപടി നല്കിയത്.