മദ്യം ഓണ്ലൈനായി ബുക്ക് ചെയ്യാനുള്ള സൗകര്യം സംസ്ഥാനം ഒട്ടാകെ നടപ്പാക്കി
തിരുവനന്തപുരം: മദ്യം ഓണ്ലൈനായി ബുക്ക് ചെയ്യാനുള്ള സൗകര്യം സംസ്ഥാനം ഒട്ടാകെ നടപ്പാക്കി ബിവറേജസ് കോര്പ്പറേഷന്.
ഷോപ്പുകളെ ആധുനിക വത്കരിക്കുന്നതിന്റെയും, തിരക്ക് ഒഴിവാക്കുന്നതിന്റെയും ഭാഗമായാണ് ബിവറേജസ് കോര്പ്പറേഷന് പദ്ധതി ആവിഷ്കരിച്ചത്. ഉപഭോക്താക്കള്ക്ക് സൗകര്യപ്രദമായ ഇടങ്ങളിലിരുന്നു ആവശ്യമുള്ള ബ്രാന്ഡ് മദ്യം തെരഞ്ഞെടുത്തു മുന്കൂര് പണമടച്ചു ബുക്ക് ചെയ്യാനാവും.
രജിസ്റ്റര് ചെയ്ത മൊബൈല് നമ്ബറില് ലഭിക്കുന്ന കോഡുമായി ഔട്ട്ലെറ്റില് എത്തിയാല് ക്യൂവില് നില്ക്കാതെ ഇതിനായി പ്രത്യേകം പ്രവര്ത്തിക്കുന്ന കൗണ്ടറില് നിന്നും മദ്യം ലഭ്യമാക്കുന്നതുമാണ് പുതിയ സമ്ബ്രദായം. ഓഗസ്റ്റ് 17 ന് ആരംഭിച്ച സംവിധാനത്തിലൂടെ ഇതു വരെ 27 ലക്ഷം രൂപയുടെ മദ്യ വില്പനയാണ് നടന്നത്.