നിപ സമ്ബര്ക്കപ്പട്ടികയിലുള്ള 17 പേരുടെ പരിശോധനാ ഫലം കൂടി നെഗറ്റീവായെന്ന് ആരോഗ്യമന്ത്രി
തിരുവനന്തപുരം: സംസ്ഥാനത്ത് ഭീതി ഉയര്ത്തിയ നിപ ആശങ്ക അകലുന്നു. സമ്ബര്ക്കപ്പട്ടികയിലുള്ള 17 പേരുടെ പരിശോധനാ ഫലം കൂടി നെഗറ്റീവായെന്ന് ആരോഗ്യമന്ത്രി വീണാ ജോര്ജ് അറിയിച്ചു.
ഇതോടെ 140 പേരുടെ സാമ്ബിളുകളാണ് ഇതുവരെ നെഗറ്റീവാണെന്ന് കണ്ടെത്തിയിട്ടുള്ളതെന്നും മന്ത്രി വ്യക്തമാക്കി. ഇതോടെ സംസ്ഥാനത്തെ നിപ വൈറസ് ആശങ്ക ഏറെക്കുറെ ഒഴിഞ്ഞിരിക്കുകയാണ്. സമ്ബര്ക്കപ്പട്ടികയിലുള്ള 15 പേരുടെ ഫലങ്ങള് ഞായറാഴ്ച നെഗറ്റീവ് ആയിരുന്നു. ആശുപത്രിയില് കഴിയുന്ന ആരുടെയും ആരോഗ്യനിലയില് പ്രശ്നങ്ങളില്ല. നിരീക്ഷണം ശക്തമായി തുടരുകയാണെന്നും ആരോഗ്യമന്ത്രി വ്യക്തമാക്കിയിരുന്നു.മൃഗസംരക്ഷണ വകുപ്പ് പരിശോധനയ്ക്കയച്ച വവ്വാലുകളുടെയും ആടുകളുടെയും സാംപിളുകളിലും വൈറസിന്റെ സാന്നിധ്യമില്ലെന്നു സ്ഥിരീകരിച്ചിരുന്നു. ഭോപ്പാല് ലാബിലാണ് സാംപിളുകള് പരിശോധിച്ചത്.