രണ്ടാം വര്ഷ പ്ലസ് ടു വിദ്യാര്ഥികളില്നിന്ന് ഫീസ് ഈടാക്കേണ്ടെന്ന് തീരുമാനം
തിരുവനന്തപുരം: 2020 – 21 അധ്യയനവര്ഷത്തിലെ രണ്ടാം വര്ഷ പ്ലസ് ടു വിദ്യാര്ഥികളില്നിന്ന് ഫീസ് ഈടാക്കേണ്ടെന്ന് പൊതുവിദ്യാഭ്യാസ വകുപ്പിന്റെ തീരുമാനം. കോവിഡ് സാഹചര്യം പരിഗണിച്ചാണ് വിദ്യാഭ്യാസ വകുപ്പിന്റെ നടപടി.
2020 – 21 അധ്യയനവര്ഷത്തില് സ്കൂളുകള് തുറന്നു പ്രവര്ത്തിക്കാനോ വിദ്യാര്ഥികള്ക്ക് സ്കൂളില് പോകാനോ സാധിച്ചിരുന്നില്ല. ഈ പശ്ചാത്തലത്തില് ട്യൂഷന് ഫീസ്, സ്പെഷ്യല് ഫീസ് എന്നിവ ഈടാക്കേണ്ടതില്ല എന്നാണ് വിദ്യാഭ്യാസ വകുപ്പ് പുറത്തിറക്കിയ ഉത്തരവില് പറയുന്നത്.
അതേസമയം ഒന്നാം വര്ഷ ഹയര് സെക്കന്ഡറി / വൊക്കേഷല് ഹയര് സെക്കന്ഡറി പ്രവേശനത്തിന് അപേക്ഷിക്കാനുള്ള അവസാന തീയതി ദീര്ഘിപ്പിച്ചു. സെപ്റ്റംബര് 8ന് വൈകുന്നേരം 5 മണി വരെ അപേക്ഷിക്കാം. പുതുക്കിയ പ്രവേശന ഷെഡ്യൂള് അഡ്മിഷന് വെബ്സൈറ്റില് പ്രസിദ്ധീകരിച്ചിട്ടുണ്ട്.
പുതുക്കിയ പ്രവേശന ഷെഡ്യൂള് പ്രകാരം ട്രയല് അലോട്ട്മെന്റ് തീയതി ഈ മാസം 13നാണ്. ആദ്യ അലോട്ട്മെന്റ് തീയതി ഈ മാസം 22 നും. പ്രവേശനം ആരംഭിക്കുക 23 ന് ആയിരിക്കും. മുഖ്യ അലോട്ട്മെന്റ് ഒക്ടോബര് 18 ന് അവസാനിക്കുമെന്ന് വിദ്യാഭ്യാസ വകുപ്പ് അറിയിച്ചു.