പശുവിനെ ദേശീയ മൃഗമായി പ്രഖ്യാപിക്കണമെന്ന് അലഹാബാദ് ഹൈക്കോടതി
അലഹാബാദ് : ഇന്ത്യയുടെ സംസ്കാരത്തിന്റെ ഭാഗമായ പശുവിനെ ദേശീയ മൃഗമായി പ്രഖ്യാപിക്കണമെന്ന് അലഹാബാദ് ഹൈക്കോടതി.
പശുസംരക്ഷണം ഹിന്ദുക്കളുടെ മൗലികാവകാശമാക്കി മാറ്റണം. ഇത് സംബന്ധിച്ച് പാര്ലമെന്റില് ബില്ല് അവതരിപ്പിക്കണമെന്നും ജസ്റ്റിസ് ശേഖര് യാദവ് അദ്ധ്യക്ഷനായ സിംഗിള് ബെഞ്ച് നിര്ദ്ദേശിച്ചു.
രാജ്യത്തിന്റെ സംസ്കാരത്തിനും വിശ്വാസത്തിനും വേദനിച്ചാല് രാജ്യം ക്ഷയിക്കും. പശുവിനെ കശാപ്പ് ചെയ്തതിന് അറസ്റ്റിലായ ജാവേദ് എന്നയാളുടെ ജാമ്യം റദ്ദാക്കി കൊണ്ടാണ് ജഡ്ജി ശേഖര് യാദവിന്റെ നിരീക്ഷണം.
മൗലികാവകാശം എന്നത് ബീഫ് ഭക്ഷിക്കുന്നവര്ക്ക് മാത്രമുള്ളതല്ലെന്നും പശുവിനെ ആരാധിക്കുന്നവര്ക്കും അതിലൂടെ സാമ്ബത്തികം കൈവരിക്കുന്നവര്ക്കും അര്ത്ഥവത്തായ ജീവിതം നയിക്കാന് അവകാശമുണ്ടെന്നും കോടതി വ്യക്തമാക്കി.