പ്ലസ് വണ് പരീക്ഷ ടൈംടേബിള് പുതുക്കി
തിരുവനന്തപുരം: ഹയര്സെക്കന്ഡറി, വൊക്കേഷണല് ഹയര് സെക്കന്ഡറി ഒന്നാം വര്ഷ പരീക്ഷാ ടൈംടേബിളുകള് പുതുക്കി.
പരീക്ഷകള്ക്കിടയിലെ ഇടവേള കൂട്ടിയാണ് പുതിയ ടൈംടേബിള് പുറത്തിറക്കിയത്. പരീക്ഷകള്ക്കിടയില് ഇടവേള ഇല്ലാത്തത് വിദ്യാര്ഥികളെ വലയ്ക്കുന്നുവെന്ന പരാതി ഉയര്ന്നതിന്റെ പശ്ചാത്തലത്തിലാണ് പുതിയ തീരുമാനം. ആറു മുതല് 16 വരെ ഹയര് സെക്കന്ഡറി പരീക്ഷ എന്നത് പുതുക്കിയ ടൈംടേബിള് പ്രകാരം ആറ് മുതല് 27 വരെയാകും. ഏഴു മുതല് 16 വരെ വൊക്കേഷണല് ഹയര് സെക്കന്ഡറി പരീക്ഷ എന്നത് ഏഴ് മുതല് 27 വരെയാകും.ഒരു പരീക്ഷ കഴിഞ്ഞാല് രണ്ടോ മൂന്നോ ദിവസം കഴിഞ്ഞ് അടുത്ത പരീക്ഷ എന്ന രീതിയിലാണ് ടൈം ടേബിളുകള് ക്രമീകരിച്ചിരിക്കുന്നത്. ചില വിഷയങ്ങളിലെ പരീക്ഷകള് തമ്മില് അതിലേറെ ദിവസങ്ങളുടെ ഇടവേളയുണ്ട്.