കോവിഡ് പരിശോധനാ തന്ത്രം പുതുക്കി
തിരുവനന്തപുരം: വാക്സിനെടുക്കാന് അര്ഹരായ ജനസംഖ്യയുടെ 71 ശതമാനത്തിലധികം പേര് ആദ്യ ഡോസ് എടുത്ത പശ്ചാത്തലത്തില് സംസ്ഥാനത്തെ പരിശോധനാ തന്ത്രം പുതുക്കിയതായി ആരോഗ്യ മന്ത്രി വീണാ ജോര്ജ് അറിയിച്ചു. ജില്ലകളിലെ വാക്സിനേഷന് നില അടിസ്ഥാനമാക്കി മാര്ഗനിര്ദേശവും പുറപ്പെടുവിച്ചു.
സമൂഹത്തിലെ രോഗവ്യാപനത്തിന്റെ കൃത്യമായ അളവ് അറിയാന് കൂടുതല് പേരെ പരിശോധിക്കും. സെന്റിനല്, റാന്ഡം സാമ്ബിളുകളെ അടിസ്ഥാനമാക്കി എല്ലാ ജില്ലകളിലും പരിശോധനകള് നടത്തി കോവിഡ് സാഹചര്യം വിലയിരുത്തും. എല്ലാ ജില്ലകളിലും റാന്ഡം സാമ്ബിളുകള് എടുത്ത് രോഗബാധകളുടെ പുതിയ കേന്ദ്രങ്ങളും ക്ലസ്റ്ററുകളും വിലയിരുത്തുന്നതാണെന്നും മന്ത്രി വ്യക്തമാക്കി.
80 ശതമാനത്തിന് മുകളില് ആദ്യ ഡോസ് വാക്സിന് എടുത്ത ജില്ലകളില് നേരിയ തൊണ്ടവേദന, ചുമ, വയറിളക്കം തുടങ്ങിയ രോഗലക്ഷണങ്ങളുള്ളവര്ക്ക് ആര്.ടി.പി.സി.ആര് പരിശോധന നടത്തും. ഇവിടങ്ങളില് സെന്റിനല് സര്വയലന്സിന്റെ ഭാഗമായി ആന്റിജന് പരിശോധനയും നടത്തുന്നതാണ്.
കടകള്, മാളുകള്, ഓഫിസുകള്, സ്ഥാപനങ്ങള്, ട്രാന്സിറ്റ് സൈറ്റുകള് തുടങ്ങിയ ഉയര്ന്ന സാമൂഹിക സമ്ബര്ക്കമുള്ള ആളുകള്ക്കിടയിലാണ് പരിശോധന നടത്തുന്നത്. ജില്ലയിലെ രോഗത്തിന്റെ സ്ഥിതി വിലയിരുത്താനുള്ള റാന്ഡം പരിശോധനക്കും ആന്റിജന് മതിയാകും.
80 ശതമാനത്തിന് മുകളില് ആദ്യ ഡോസ് വാക്സിന് എടുത്ത തദ്ദേശ സ്ഥാപന പ്രദേശങ്ങളിലും ഈ രീതി പിന്തുടരുന്നതാണ്. 80 ശതമാനത്തിന് താഴെ ആദ്യ ഡോസ് വാക്സിന് നല്കിയ തദ്ദേശ സ്ഥാപന പ്രദേശങ്ങളില് പഴയ രീതി തുടരും.
രണ്ട് ഡോസ് വാക്സിന് എടുത്ത് രണ്ടാഴ്ച കഴിഞ്ഞവരെ രോഗലക്ഷണമില്ലെങ്കില് റാന്ഡം പരിശോധനയില്നിന്നും ഒഴിവാക്കും. രണ്ട് മാസത്തിനകം രോഗം സ്ഥിരീകരിച്ചവരെയും ഒഴിവാക്കുന്നതാണ്.
ശേഖരിക്കുന്ന സാമ്ബിളുകള് കാലതാമസം കൂടാതെ ലാബുകളിലയച്ച് പരിശോധിച്ച് ഫലങ്ങള് എത്രയും വേഗം അപ്ലോഡ് ചെയ്യേണ്ടതാണ്. ഇതിന് വിരുദ്ധമായി ചെയ്യുന്ന ലാബുകള്ക്കെതിരെ കര്ശന നടപടി സ്വീകരിക്കും. ജില്ലാ ആരോഗ്യ വകുപ്പ് ഉദ്യോഗസ്ഥര് ആന്റിജന്, ആര്.ടി.പി.സി.ആര് ടെസ്റ്റ് കിറ്റുകളുടെ ഗുണനിലവാര പരിശോധന നടത്തി നടപടി സ്വീകരിക്കും.