തെരഞ്ഞെടുപ്പിന് സമയമായില്ലെന്ന് താലിബാന്‍
കാബൂള്‍: അഫ്ഗാനില്‍ സര്‍ക്കാര്‍ രൂപവത്കരിക്കുന്നതിന് താലിബാനും മുന്‍ പ്രസിഡന്‍റുമാരടങ്ങിയ ദേശീയ അനുരഞ്ജന കൗണ്‍സില്‍ നേതാക്കളും ചര്‍ച്ച തുടരവെ രാജ്യത്ത് തെരഞ്ഞെടുപ്പിന് സമയമായിട്ടില്ലെന്ന് താലിബാന്‍.
ആദ്യമായി രാജ്യത്തിെന്‍റ ഭരണഘടന തയാറാക്കി അംഗീകരിക്കേണ്ടതുണ്ടെന്നും അതിന് സമയമെടുക്കുമെന്നും മുതിര്‍ന്ന താലിബാന്‍ വക്താവ് സുഹൈല്‍ ശഹീന്‍ വ്യക്തമാക്കി. ഇപ്പോഴത്തെ അധികാര ശൂന്യത നികത്തുന്നതിന് എല്ലാവരെയും ഉള്‍പ്പെടുത്തി സര്‍ക്കാര്‍ ഉടന്‍ രൂപവത്കരിക്കുമെന്നും ചൈനയുടെ സി.ജി.ടി.എന്‍ ടെലിവിഷനു നല്‍കിയ അഭിമുഖത്തില്‍ സുഹൈല്‍ അറിയിച്ചു